ஜீ5 ஓடிடி தளத்தின் மெகா அறிவிப்பு: ‘டிமான்டி காலனி 3’, ‘வீரப்பன்’ உட்பட 7 மொழிகளில் புதிய படைப்புகள்!
முன்னணி ஓடிடி தளமான ஜீ5 (ZEE5), தமிழ், இந்தி, தெலுங்கு, மலையாளம், கன்னடம், மராத்தி மற்றும் வங்காளம் ஆகிய ஏழு மொழிகளில் வெளியாகவுள்ள பிரம்மாண்டமான உள்ளடக்கப் பட்டியலை (Content Slate) வெளியிட்டுள்ளது. இதில் திரைப்படங்கள், வெப் சீரிஸ்கள், நேரடி விளையாட்டு ஒளிபரப்புகள், ஏஐ தொழில்நுட்ப கதைகள் மற்றும் குழந்தைகளுக்கான நிகழ்ச்சிகள் எனப் பல்வேறு படைப்புகள் இடம்பெற்றுள்ளன. ஜியோ ஸ்டுடியோஸ், மேடாக் ஃபிலிம்ஸ், ரிலையன்ஸ் என்டர்டெயின்மென்ட், அன்னபூர்ணா ஸ்டுடியோஸ் உள்ளிட்ட முன்னணித் தயாரிப்பு நிறுவனங்கள் இணைந்து இவற்றை உருவாக்கியுள்ளன.
தமிழ் பிரிவின் முக்கிய அறிவிப்புகள்: ரசிகர்களிடையே பெரும் வரவேற்பைப் பெற்ற ‘கூஸ் முனிசாமி வீரப்பன்’ மற்றும் ‘தடயம்’ ஆகிய வெப் சீரிஸ்களின் அடுத்த சீசன்கள் ஜீ5 தளத்தில் வெளியாகவுள்ளன. மேலும், ‘அனந்தகாலம்’ தொடர் மற்றும் ‘தீக் குரல்’ என்ற சுயாதீன ராப் நிகழ்ச்சியும் புதிதாக அறிமுகமாகின்றன. திரைப்படப் பிரிவில் அருள்நிதியின் ‘டிமான்டி காலனி 3’, நயன்தாரா – கவின் இணைந்து நடிக்கும் ‘ஹாய்!’ மற்றும் ‘ராவடி’ ஆகிய படங்கள் ஓடிடியில் வெளியாகத் தயாராக உள்ளன.
பிற மொழிகளின் முக்கியப் படைப்புகள்: இந்தியில் வருண் தவான் – பூஜா ஹெக்டே நடிக்கும் ‘ஹை ஜவானி தோ இஷ்க் ஹோனா ஹை’, மாதவன் தொகுத்து வழங்கும் ‘ஜீனா இசி கா நாம் ஹை 2.0’ மற்றும் ‘ரங் பாஸ் சீசன் 4’ ஆகியவை இடம் பெற்றுள்ளன. மேலும் தெலுங்கில் ‘வெங்கி அனில் 5’, ‘NBK111’; மலையாளத்தில் ‘கேரளா அண்டர்கிரவுண்ட்’, ‘மலாபார் கப்’; கன்னடத்தில் ‘காரவளி’, ‘பிட்காயின் ஸ்கேம்’; மராத்தியில் ‘தும்பாட்சி மஞ்சுளா’ மற்றும் வங்காள மொழியில் ‘லால்பஜார்’ உள்ளிட்டப் பல்வேறு படைப்புகள் வெளியாகவுள்ளதாக அறிவிக்கப்பட்டுள்ளது.
