👁️ 4.3K 🔥
தெருநாய் பிரச்சினை குறித்து எழுந்த ட்ரோல்களுக்கு பதிலளித்த படவா கோபி, அம்மு – அவர்கள் விளக்கம் என்ன?
‘நீயா நானா’ நிகழ்ச்சி (ஆகஸ்ட் 31, விஜய் டிவி) தெருநாய் ஆதரவு–எதிர்ப்பு விவாதமாக ஒளிபரப்பப்பட்டது. இதில் பங்கேற்ற படவா கோபி, அம்மு ஆகியோரின் கருத்துகள் வைரலானதால், பல விமர்சனங்களும் ட்ரோல்களும் எழுந்தன. இதையடுத்து இருவரும் விளக்கம் அளித்துள்ளனர்.
படவா கோபி விளக்கம்:
- நிகழ்ச்சி எடிட் செய்யப்பட்டு ஒளிபரப்பப்பட்டது; முழு காட்சிகள் காட்டப்படவில்லை.
- திருமண நிகழ்ச்சியில் பிஸியாக இருந்தபோது தான் அழைத்ததால், “நாய்கள் மீது அன்பு கொண்டவராக மட்டும் கருத்து சொல்லுங்கள்” என்று கேட்டனர்.
- மக்கள் பார்த்தது சினிமா மாதிரி எடிட் செய்யப்பட்ட நிகழ்ச்சி. நான்சொன்ன தீர்வு, மக்களின் நடத்தை பற்றி பேசிய பகுதி காண்பிக்கப்படவில்லை.
- இப்படி எடிட் செய்வதால் நாய்களை ஆதரித்தவர்கள் எல்லோரும் கிண்டலுக்குள்ளாகிவிட்டனர்.
- விவாத நிகழ்ச்சி என்றால் தீர்வு சொல்ல வேண்டும்; ஆனால் டிஆர்பிக்காக மட்டும் செய்திருக்கிறார்கள்.
- யாரையும் புண்படுத்தியிருந்தால் மன்னிக்கவும்; நாய்களுக்கும் மனிதர்களுக்கும் உள்ள அன்புக்காக மட்டுமே கலந்துகொண்டேன்.
அம்மு விளக்கம்:
- 8 மணி நேரம் நடந்த நிகழ்ச்சியை 45 நிமிட எடிட்டில் மாற்றியதால் உண்மை தெரியவில்லை.
- ஆதரவாளர்களுக்கு குறைவான வாய்ப்பு, எதிர்ப்பாளர்களுக்கு அதிக வாய்ப்பு வழங்கப்பட்டது.
- கோபிநாத் எங்கள் கருத்துகளை நிறுத்தி, எதிர் தரப்பின் பேச்சையே அதிகமாக எடுத்துக் கொண்டார்.
- இரண்டு தரப்பையும் மோதவைத்து TRP எடுக்க முயன்றிருக்கிறார்கள் போல.
- ஒரே இடத்தில் சொன்னதை வேறொரு இடத்தில் வைத்து தவறாக காட்டியிருக்கிறார்கள்.
- நாய்களுக்கு நியாயம் கிடைக்க வேண்டும் என்பதற்காக தான் பங்கேற்றேன்; யாரையும் புண்படுத்தும் நோக்கம் இல்லை.
