தங்கம் விலை பவுனுக்கு ரூ.560 உயர்வு: சென்னையில் இன்றைய தங்கத்தின் விலை நிலவரம் என்ன?
சென்னையில் 22 காரட் ஆபரணத் தங்கத்தின் விலை இன்று (ஜூலை 21) பவுனுக்கு ரூ.560 உயர்ந்துள்ளது. அதேபோல், வெள்ளி விலையும் கணிசமாக அதிகரித்து, ஒரு கிலோ கட்டி வெள்ளி ரூ.5,000 உயர்ந்துள்ளதால் நகைப் பிரியர்களும் முதலீட்டாளர்களும் அதிர்ச்சியடைந்துள்ளனர்.
சர்வதேசப் பொருளாதாரச் சூழல், கச்சா எண்ணெய் விலை, டாலருக்கு நிகரான ரூபாயின் மதிப்பு மற்றும் அமெரிக்கா – ஈரான் இடையிலான மோதல் போக்கு போன்ற சர்வதேசக் காரணங்களால் தங்கத்தின் விலை உலகளவில் தொடர்ந்து அதிகரித்து வருகிறது. மேலும், கடந்த மே மாதம் தங்கத்தின் மீதான சுங்க வரியை மத்திய அரசு உயர்த்தியதும் இதற்கு முக்கியக் காரணமாகும்.
இன்றைய வர்த்தகத் தொடக்கத்தில், 22 காரட் ஆபரணத் தங்கம் கிராமுக்கு ரூ.70 உயர்ந்து ஒரு கிராம் ரூ.13,220-க்கும், பவுனுக்கு ரூ.560 உயர்ந்து ஒரு பவுன் ரூ.1,05,760-க்கும் விற்பனை செய்யப்படுகிறது. மேலும், 24 காரட் தங்கம் ஒரு கிராம் ரூ.14,422-க்கும், 18 காரட் தங்கம் ஒரு கிராம் ரூ.11,035-க்கும் விற்பனையாகிறது.
வெள்ளி விலையும் இன்று அதிரடியாக உயர்ந்துள்ளது. கிராமுக்கு ரூ.5 உயர்ந்து ஒரு கிராம் வெள்ளி ரூ.240-க்கும், ஒரு கிலோ கட்டி வெள்ளி ரூ.2,40,000-க்கும் விற்பனை செய்யப்படுவதாகச் சந்தை நிலவரங்கள் தெரிவிக்கின்றன.
