ஆகாஷ் கைது விவகாரம்: கழுத்தில் கயிறை போட்டு உயிர் போகும் அளவுக்கு இழுத்து துன்பப்படுத்தும் காவல்துறை… சமூக வலைதளங்களில் கேள்வி
விசிக கட்சியின் பேனரை அகற்றியதாக கூறப்படும் விவகாரத்தில், சம்பந்தப்பட்ட நபரின் வீட்டின் முன்பு போராட்டம் நடத்தாமல் சாலையில் மறியல் செய்வது ஏன் என சமூக வலைதளங்களில் சிலர் கேள்வி எழுப்பியுள்ளனர். இதுபோன்ற போராட்டங்கள் மக்களுக்கு பயனளிக்காது என்றும், போராட்டம் நடத்துபவர்களுக்கு ஒழுக்கம் தேவை என்றும் சில பதிவுகளில் கருத்து தெரிவிக்கப்பட்டுள்ளது.
மக்களுக்கு பாதுகாப்பு வழங்க வேண்டிய காவல்துறைக்கும் ஒழுக்கம் தேவை என்றும் அந்த பதிவுகளில் கூறப்பட்டுள்ளது. இதனிடையே, ஆகாஷை விடுதலை செய்ய வேண்டும் என்ற கோரிக்கையும் சமூக வலைதளங்களில் பலரால் முன்வைக்கப்பட்டுள்ளது. காவல் வாகனத்தில் அழைத்துச் செல்லப்பட்டபோது ஆகாஷ் துன்புறுத்தப்பட்டதாகவும், மிகவும் கொடூரமான முறையில் காவல் வாகனத்தில் கழுத்தில் கயிறை போட்டு உயிர் போகும் அளவுக்கு இழுத்து துன்பப்படுத்தும் அளவுக்கு அவரை இந்த காவல்துறை கொண்டு சென்றிருக்கிறார்கள்.
26 வயதான ஆகாஷ் மீது 6 பிரிவுகளின் கீழ் வழக்குப்பதிவு செய்யப்பட்டிருப்பது ஏன் என்றும் சமூக வலைதள பதிவுகளில் கேள்வி எழுப்பப்பட்டுள்ளது. ஆகாஷ் எந்த தவறும் செய்யவில்லை என்றும், தவறு செய்ததாக கூறப்படுபவர் காவல் ஆய்வாளர் என்றும் சிலர் தங்களது கருத்துகளை பதிவிட்டுள்ளனர்.
மேலும், அனுமதியின்றி சாலையில் மறியல் செய்து போக்குவரத்துக்கு இடையூறு ஏற்படுத்தியதாக கூறப்படும் விசிகவைச் சேர்ந்தவர்கள் மீது ஏன் வழக்குப்பதிவு செய்யப்படவில்லை என்றும் கேள்வி எழுப்பப்பட்டுள்ளது. கூட்டணி கட்சிக்கு ஆதரவாக தவெக அரசு செயல்படுகிறதா என்ற சந்தேகத்தையும் சில சமூக வலைதள பதிவுகள் வெளிப்படுத்தியுள்ளன.
ஆகாஷ் மீது பதிவு செய்யப்பட்டுள்ள வழக்குகள், அவர் காவல்துறையினரால் அழைத்துச் செல்லப்பட்ட விதம் மற்றும் மறியல் தொடர்பாக எடுக்கப்பட்ட நடவடிக்கைகள் குறித்து அரசு மற்றும் காவல்துறை தெளிவான விளக்கம் அளிக்க வேண்டும் என்ற கோரிக்கையும் சமூக வலைதளங்களில் முன்வைக்கப்பட்டுள்ளது.
