“பிஹாரில் மாணவர்கள் மீது ஏகே-47 துப்பாக்கிகள் பயன்படுத்தியது ஏன்?” – பிரதமருக்கு ராகுல் காந்தி கேள்வி
டெல்லியில் மாணவர்கள் மீது பெல்லட் துப்பாக்கிகளும், பிஹாரில் போராட்டத்தில் ஈடுபட்ட மாணவர்கள் மீது ஏகே-47 ரக துப்பாக்கிகளும் பயன்படுத்தப்பட்டதாக கூறப்படும் சம்பவங்களுக்கு எதிராக மக்களவை எதிர்க்கட்சித் தலைவர் ராகுல் காந்தி கண்டனம் தெரிவித்துள்ளார்.
மாணவர் போராட்டங்களை கையாளும் விதம் குறித்து மத்திய அரசை விமர்சித்துள்ள ராகுல் காந்தி, மாணவர்களை தாக்கியவர்கள் மீது நடவடிக்கை எடுக்க வேண்டும் என்றும், போராட்டக்காரர்கள் மீது வழக்குகள் பதிவு செய்வதை நிறுத்த வேண்டும் என்றும் வலியுறுத்தியுள்ளார்.
அவர் வெளியிட்டுள்ள சமூக வலைதள பதிவில், பிஹாரில் போராட்டத்தில் ஈடுபட்ட மாணவர்கள் மீது ஏகே-47 ரக துப்பாக்கிகள் பயன்படுத்தப்பட்டதாகவும், பல மாணவர்கள் கைது செய்யப்பட்டு வழக்குகள் பதிவு செய்யப்பட்டுள்ளதாகவும் குறிப்பிட்டுள்ளார்.
மேலும், “மாணவர்கள் மீது வழக்குகள் பதிவு செய்யப்படாது, அவர்கள் விடுவிக்கப்படுவார்கள் என்ற உறுதி எங்கே சென்றது?” என பிரதமர் மோடியிடம் கேள்வி எழுப்பியுள்ளார்.
டெல்லி, பிஹார் உள்ளிட்ட பல்வேறு மாநிலங்களில் மாணவர் போராட்டங்களை ஒடுக்குவதற்கான நடவடிக்கைகள் மேற்கொள்ளப்படுவதாக குற்றம்சாட்டிய அவர், மாணவர்களின் குரலை அடக்காமல் அவர்களின் கோரிக்கைகளை கேட்க வேண்டும் என தெரிவித்துள்ளார்.
ராகுல் காந்தி வலியுறுத்தல்:
- மாணவர்களிடம் பிரதமர் மன்னிப்பு கேட்க வேண்டும்.
- மாணவர்களை தாக்கியவர்கள் மீது நடவடிக்கை எடுக்க வேண்டும்.
- போராட்டக்காரர்கள் மீது பழிவாங்கும் நடவடிக்கைகள் எடுக்கக் கூடாது.
