சத்தீஸ்கரில் 8 நக்சலைட்கள் ஆயுதங்களுடன் சரண்; ரூ.49 லட்சம் வெகுமதி அறிவிக்கப்பட்டவர்கள்
சத்தீஸ்கர் மாநிலத்தின் பிஜாப்பூர் மாவட்டத்தில், 5 பெண்கள் உட்பட 8 நக்சலைட்கள் ஆயுதங்களுடன் போலீஸாரிடம் சரணடைந்துள்ளனர். இவர்களைப் பற்றிய தகவலுக்கு மொத்தம் ரூ.49 லட்சம் வெகுமதி அறிவிக்கப்பட்டிருந்ததாக அதிகாரிகள் தெரிவித்துள்ளனர்.
அதிகாரிகள் வெளியிட்ட தகவலின்படி, சரணடைந்த அனைவரும் தடை செய்யப்பட்ட மாவோயிஸ்ட் அமைப்பைச் சேர்ந்தவர்கள். இவர்களில் பெரும்பாலானோர் பிஜாப்பூர் மாவட்டத்தைச் சேர்ந்தவர்களாக உள்ளனர். மேலும், ஒருவர் நாராயண்பூர் மாவட்டத்தையும், மற்றொருவர் சுக்மா மாவட்டத்தையும் சேர்ந்தவர்கள் என்றும் கூறப்பட்டுள்ளது.
சொந்த மாநிலத்தைச் சேர்ந்தவர்களாக இருந்தாலும், இந்த 8 பேரும் மாவோயிஸ்ட் அமைப்பின் சார்பில் ஜார்க்கண்ட் மாநிலத்தில் பணியமர்த்தப்பட்டு அங்கு செயல்பட்டு வந்ததாக அதிகாரிகள் தெரிவித்தனர். பாதுகாப்புப் படையினரின் நடவடிக்கைகள் தீவிரப்படுத்தப்பட்ட நிலையில், அவர்கள் ஆயுதங்களை ஒப்படைத்து சரணடைந்துள்ளனர்.
சத்தீஸ்கர் அரசின் மறுவாழ்வு திட்டங்கள் மற்றும் நக்சல் பாதிப்பு பகுதிகளில் மேற்கொள்ளப்பட்டு வரும் வளர்ச்சிப் பணிகள் தங்களை ஆயுதப் போராட்டத்தை கைவிடத் தூண்டியதாக சரணடைந்த நக்சலைட்கள் தெரிவித்துள்ளனர். இந்த மறுவாழ்வு கொள்கையின் கீழ், அவர்களுக்கு தேவையான உதவிகள் மற்றும் மறுவாழ்வு நடவடிக்கைகள் மேற்கொள்ளப்படும் என்றும் அதிகாரிகள் தெரிவித்தனர்.
