பெண்ணை பாலியல் வன்முறைக்கு உட்படுத்தி மிரட்டியதாக திமுக நிர்வாகிய குற்றச்சாட்டு — நீதி கோரி போராட்டம் நடத்திய அதிமுகவினரை போலீசார் கைது
விழுப்புரம் மாவட்டம் வானூர் பகுதியில், கணவன் கைவிட்ட நிலையில் இருந்த ஒரு பெண்ணை திமுக ஒன்றிய செயலாளர் பாஸ்கர் பாலியல் வன்கொடுமை செய்து, அதன் வீடியோ எடுத்து மிரட்டியதாகக் குற்றச்சாட்டு எழுந்துள்ளது.
இந்த சம்பவம் குறித்து பாதிக்கப்பட்ட பெண் நேரடியாக காவல் நிலையத்தில் புகார் அளித்திருந்தாலும், போலீசார் எந்த நடவடிக்கையும் எடுக்கவில்லை என கூறப்படுகிறது. இதற்கு எதிர்ப்பு தெரிவித்து, பாதிக்கப்பட்டவருக்கு நீதி கோரும்வகையில் அதிமுக முன்னாள் அமைச்சர் சி.வி. சண்முகம் தலைமையில் அதிமுக உறுப்பினர்கள் மெழுகுவர்த்தி ஏந்தி போராட்டத்தில் ஈடுபட்டனர்.
அப்போது சம்பவ இடத்திற்கு வந்த போலீசார், அனுமதி இன்றி ஆர்ப்பாட்டம் நடத்தியதாகக் கூறி சி.வி. சண்முகம் உட்பட போராட்டக்காரர்களை வலுக்கட்டாயமாகக் கைது செய்து அருகிலுள்ள தனியார் மண்டபத்திற்கு அழைத்துச் சென்றனர்.
இரண்டு மணி நேரத்திற்குப் பிறகு போலீசார் அனைவரையும் விடுவித்தனர். இந்த சம்பவம் காரணமாக அந்த பகுதியில் சிறிது நேரம் பரபரப்பு நிலவியது.
