திருமலை பிரம்மோற்சவத்துக்கு 60 டன் மலர் அலங்காரம் – ரூ.3.5 கோடி செலவு
திருமலைத் திருப்பதி ஏழுமலையான் கோயிலில் நடைபெறும் பிரம்மோற்சவ விழா இந்த மாதம் 24ஆம் தேதி கொடியேற்றத்துடன் தொடங்குகிறது. அக்டோபர் 2 வரை நடைபெறும் இந்த பண்டிகைக்கான அனைத்து ஏற்பாடுகளும் முடிந்துவிட்டதாக திருமலை திருப்பதி தேவஸ்தான (TTD) நிர்வாக அதிகாரி அனில்குமார் சிங்கால் தெரிவித்தார்.
விழா காலத்தில் கோயில் முழுவதும் 60 டன் மலர்கள் பயன்படுத்தி அலங்காரம் செய்யப்பட உள்ளது. இதற்காக ரூ.3.5 கோடி நிதி செலவிடப்பட்டுள்ளது. மேலும், சிவில் பணிகளுக்கு ரூ.9.5 கோடி, மின்சார வசதிகளுக்கு ரூ.5.5 கோடி ஒதுக்கீடு செய்யப்பட்டுள்ளது.
மேலும் அவர் கூறியவை:
- முதல்வர் சந்திரபாபு நாயுடு 24ஆம் தேதி பட்டு வஸ்திரங்களை காணிக்கை செய்கிறார்
- அடுத்த நாள் பிஏசி-5 விடுதி தொகுதியை அவர் திறக்கிறார்
- பக்தர்களுக்காக 3,500 தங்கும் அறைகள் ஏற்பாடு
- 36 எல்.இ.டி திரைகள் மூலம் சேவை காட்சிகள்
- கருட சேவையைத் தவிர, தினசரி 1.16 லட்சம் சிறப்பு தரிசனம் + 25,000 இலவச டிக்கெட்டுகள்
- விஐபி பிரேக் தரிசனம் ரத்து, பொதுமக்களுக்கு முன்னுரிமை
- தினமும் 8 லட்சம் லட்டு பிரசாதம்
- 20 உதவி மையங்கள்
- கருட சேவையன்று பக்தர்களுக்கு 14 வகை உணவு
- அன்னதானம்: தினமும் காலை 8 மணி–இரவு 11 மணி வரை
- தினசரி 1,900 அரசு பேருந்துகள், கருட சேவையன்று 3,200
- பாதுகாப்புக்கு 4,700 போலீஸ் + 2,000 TTD பாதுகாவலர்கள் + 3,500 சேவகர்கள்
- 3,000 CCTV கேமராக்கள், 24 மணி கண்காணிப்பு
- 2,300 துப்புரவு பணியாளர்கள் + 960 கூடுதல் பணியாளர்கள்
இந்த முறை பிரம்மோற்சவம் மிக பிரம்மாண்டமாக நடைபெற உள்ளதாகவும் பக்தர்களுக்கான வசதிகள் முழுமையாக ஏற்பாடு செய்யப்பட்டுள்ளதாகவும் அவர் தெரிவித்தார்.
