ராஜஸ்தானில் மரணவிபத்து: நிறுத்தப்பட்ட லாரியை வேன் மோதியது – 15 பேர் பலி
ராஜஸ்தான் மாநிலம் ஜோத்பூரில் பாரத் மாலா விரைவுச்சாலையில் ஏற்பட்ட துயர விபத்தில் 15 பேர் உயிரிழந்துள்ளனர். சாலையின் ஓரத்தில் நிறுத்தப்பட்டிருந்த லாரியின் பின்புறத்தில் டெம்போ டிராவலர் வேகமாக மோதியதே இந்த கோர விபத்துக்கு காரணமாகியுள்ளது.
ஜோத்பூரில் இருந்து சுமார் 220 கிலோமீட்டர் தொலைவில் உள்ள கோவிலுக்கு சென்ற குழுவினர், திரும்பிக் கொண்டிருந்த நேரத்தில் இந்த விபத்து நிகழ்ந்ததாக போலீசார் தெரிவித்துள்ளனர். கடுமையான மோதலில் வேன் நொறுங்கிப் போனது.
சம்பவத்தை கண்டவர்கள் உடனடியாக தகவல் அளித்ததையடுத்து, போலீஸ் மற்றும் மீட்பு குழுவினர் இடத்துக்கு வந்து, வாகனத்தில் சிக்கியிருந்தவர்களை வெளியேற்றினர். காயமடைந்தவர்கள் மருத்துவமனைக்கு அனுப்பப்பட்டனர். வாகனம் மோசமாக நசுங்கியதால் மீட்பு பணிகள் சிரமமாக நடந்ததாக அதிகாரிகள் கூறியுள்ளனர்.
இந்த விபத்தில் உயிரிழந்தவர்களின் குடும்பத்திற்கு ரூ.2 லட்சம் நிவாரணத்தையும், காயமடைந்தவர்களுக்கு ரூ.50 ஆயிரம் உதவித்தொகையையும் பிரதமர் மோடி அறிவித்துள்ளார்.
