ஜல் ஜீவன் மிஷன் 2.0 திட்டம்: மத்திய அரசுடன் தமிழக அரசு புரிந்துணர்வு ஒப்பந்தம் கையெழுத்திட்டது!
சென்னை:
தமிழகத்தில் ஜல் ஜீவன் மிஷன் 2.0 திட்டத்தைச் செயல்படுத்துவதற்காகத் தமிழக அரசு மற்றும் மத்திய அரசு இடையே இன்று புரிந்துணர்வு ஒப்பந்தம் கையெழுத்தானது. சென்னை தலைமைச் செயலகத்தில் காணொலிக் காட்சி வாயிலாக நடைபெற்ற இந்த உயர் மட்டக் கூட்டத்தில், தமிழக முதலமைச்சர் ஜோசப் விஜய் மற்றும் மத்திய ஜல்சக்தித் துறை அமைச்சர் பாட்டீல் ஆகியோர் முன்னிலையில் இந்த வரலாற்றுச் சிறப்புமிக்க ஒப்பந்தம் முறைப்படி கையெழுத்திடப்பட்டது.
சுமார் 18 ஆயிரத்து 123 கோடி ரூபாய் மதிப்பீட்டில் செயல்படுத்தப்பட உள்ள இந்த பிரம்மாண்ட திட்டத்தின் மூலமாக, தமிழகத்தைச் சேர்ந்த 1 கோடி 86 லட்சம் மக்கள் நேரடியாகப் பயனடைவார்கள் எனத் தெரிவிக்கப்பட்டுள்ளது. தமிழகக் கிராமப்புற மக்களுக்குப் பாதுகாப்பான, போதுமான மற்றும் நிலையான குடிநீர் விநியோகத்தை முழுமையாக உறுதி செய்யும் நோக்கில் இந்த அதிரடி நடவடிக்கை எடுக்கப்பட்டுள்ளது.
