“நன்றி தெரிவிக்கக்கூட வரவில்லை” – காங்கிரஸ் எம்.எல்.ஏ.க்கள் மீது மு.க.ஸ்டாலின் பகிரங்கக் குற்றச்சாட்டு!
சென்னை: தமிழக சட்டமன்றத் தேர்தல் முடிவுகளுக்குப் பிந்தைய அரசியல் திருப்பங்களுக்கு மத்தியில், திமுக கூட்டணியில் இருந்து விலகி தவெக-விற்கு ஆதரவு அளித்த காங்கிரஸ் கட்சி மீது திமுக தலைவர் மு.க.ஸ்டாலின் கடும் அதிருப்தியை வெளிப்படுத்தியுள்ளார்.
நடந்து முடிந்த தேர்தலில் தமிழக வெற்றிக் கழகம் 108 இடங்களைக் கைப்பற்றி ஆளும் திமுக அரசை வீழ்த்தியது. ஆட்சியைப் பிடிக்கத் தேவையான 118 இடங்களை எட்ட, தவெக விடுத்த கோரிக்கையை ஏற்று, திமுக கூட்டணியில் இருந்த காங்கிரஸ் கட்சி அந்த உறவை முறித்துக் கொண்டு விஜய் தலைமையிலான ஆட்சிக்கு ஆதரவு வழங்கியது. இத்தேர்தலில் திமுக கூட்டணியில் 28 தொகுதிகளில் போட்டியிட்ட காங்கிரஸ் கட்சி, 5 இடங்களில் வெற்றி பெற்றது குறிப்பிடத்தக்கது.
இந்த அரசியல் மாற்றம் குறித்து தனது எக்ஸ் (X) தளத்தில் வேதனை தெரிவித்துள்ள மு.க.ஸ்டாலின், “திமுக கூட்டணியில் போட்டியிட்டு வெற்றி பெற்ற காங்கிரஸ் எம்.எல்.ஏ.க்கள், ஒருமுறை கூட நேரில் வந்து நன்றி தெரிவிக்கக் கூட வரவில்லை” என்று குற்றம் சாட்டியுள்ளார். நீண்ட கால கூட்டணியை முறித்துக் கொண்டு காங்கிரஸ் எடுத்துள்ள இந்த முடிவு, அரசியல் வட்டாரங்களில் பெரும் விவாதத்தையும் விமர்சனத்தையும் கிளப்பியுள்ளது.
