தேர்தல் முடிவுகளுக்காகக் காத்திருப்பு: பழனி முருகன் கோயிலில் அதிமுக மற்றும் தவெக தலைவர்கள் சிறப்பு வழிபாடு!
தமிழக சட்டமன்றத் தேர்தல் முடிவுகள் வெளியாக இன்னும் சில தினங்களே உள்ள நிலையில், திண்டுக்கல் மாவட்டம் பழனி தண்டாயுதபாணி சுவாமி கோயிலில் முக்கிய அரசியல் கட்சித் தலைவர்கள் மற்றும் அவர்களது குடும்பத்தினர் சாமி தரிசனம் செய்யக் குவிந்து வருகின்றனர்.
அதிமுக பொதுச்செயலாளர் எடப்பாடி பழனிசாமியின் மனைவி ராதா மற்றும் அவரது மகன் மிதுன் ஆகியோர் இன்று பழனி மலைக்கோயிலுக்கு வருகை தந்து முருகப்பெருமானை தரிசித்தனர். அவர்களைத் தொடர்ந்து, அதிமுக முன்னாள் அமைச்சர்களான ஆர்.பி. உதயகுமார், உடுமலை ராதாகிருஷ்ணன் மற்றும் பொள்ளாச்சி ஜெயராமன் ஆகியோரும் கோயிலில் சாமி தரிசனம் செய்தனர்.
இதேபோல், தமிழக வெற்றிக் கழகத்தின் (தவெக) மாநில நிர்வாகக்குழுவின் தலைமை ஒருங்கிணைப்பாளர் செங்கோட்டையனும் பழனி கோயிலுக்கு வந்து சுவாமி தரிசனம் செய்தார். தேர்தல் முடிவுகள் வரவுள்ள சூழலில், தங்கள் கட்சியின் வெற்றி மற்றும் நல்வாழ்விற்காகத் தலைவர்கள் பழனி முருகனிடம் சிறப்புப் பிரார்த்தனை மேற்கொண்டது அரசியல் வட்டாரத்தில் கவனத்தை ஈர்த்துள்ளது.
