“இந்தியாவில் பிறந்ததற்கு இஸ்லாமியர்கள் நன்றி சொல்ல வேண்டும்” – ஊடகவியலாளர் ரூபிகா லியாகத்தின் பதிவு வைரல்!
புதுடெல்லி:
ஈரான் உச்ச தலைவர் கமேனி கொல்லப்பட்டதைத் தொடர்ந்து, இந்தியாவில் சில பகுதிகளில் இஸ்லாமிய அமைப்புகள் போராட்டங்களை முன்னெடுத்த நிலையில், பிரபல ஊடகவியலாளர் ரூபிகா லியாகத் வெளியிட்டுள்ள சமூக வலைதளப் பதிவு தற்போது இணையத்தில் பெரும் விவாதத்தை ஏற்படுத்தியுள்ளது.
இது தொடர்பாக தனது ‘எக்ஸ்’ (X) தளத்தில் பதிவிட்டுள்ள அவர், உலக நாடுகளில் போர்ச் சூழல் காரணமாக இஸ்லாமிய சமூகத்தினர் பல்வேறு இன்னல்களுக்கு உள்ளாகி வரும் வேளையில், இந்திய இஸ்லாமியர்கள் மிகவும் அமைதியான மற்றும் பாதுகாப்பான வாழ்க்கையை நடத்தி வருவதாகக் குறிப்பிட்டுள்ளார். இந்தியாவில் மசூதிகள் தடையின்றித் திறந்திருப்பதாலேயே அவர்களால் எவ்வித அச்சமுமின்றித் தொழுகையில் ஈடுபட முடிகிறது என்றும் அவர் சுட்டிக்காட்டியுள்ளார்.
இந்தியாவில் நிலவும் இந்தச் சூழலுக்குப் பெரும்பான்மை இந்துக்களின் சகிப்புத்தன்மையே மிக முக்கியக் காரணம் என்று தெரிவித்துள்ள ரூபிகா லியாகத், இந்தியாவில் பிறந்ததற்காக இஸ்லாமியர்கள் அல்லாவுக்கு நன்றி சொல்ல வேண்டும் என்று பதிவிட்டுள்ளார். மேலும், நாட்டின் மீது குற்றம் சுமத்துவதற்கு முன்பாக இஸ்லாமியர்கள் தங்களைத் தாங்களே சுயபரிசோதனை செய்து (கண்ணாடியைப் பார்க்க வேண்டும்) கொள்ள வேண்டும் என்றும் அவர் தனது பதிவில் காட்டமாகத் தெரிவித்துள்ளார். இந்தப் பதிவு தற்போது சமூக வலைதளங்களில் ஆதரவாகவும், எதிராகவும் பல்வேறு கருத்துகளுடன் வைரலாகி வருகிறது.
