அண்ணாமலை விலகல் வதந்தி: ‘யூத் ஐகான்’ எனப் பாராட்டி பாஜக அலுவலகம் அருகே சுவரொட்டிகள்!
சென்னை: தமிழக பாஜக முன்னாள் தலைவர் கே. அண்ணாமலை கட்சியிலிருந்து விலக முடிவெடுத்திருப்பதாக அரசியல் வட்டாரத்தில் தகவல்கள் வெளியாகி வரும் சூழலில், சென்னை பாஜக தலைமை அலுவலகத்திற்கு அருகிலேயே திடீரென முளைத்துள்ள சுவரொட்டிகள் பெரும் பரபரப்பை ஏற்படுத்தியுள்ளன. அந்தச் சுவரொட்டிகளில், அண்ணாமலையை ‘இளைஞர்களின் வழிகாட்டி’ (Youth Icon) என்று வெகுவாகப் போற்றியுள்ளனர்.
மேலும், அவர் மீண்டும் தலைமைப் பொறுப்பை ஏற்க வேண்டிய சரியான நேரம் இதுவே என்றும், அவர் தலைமைப் பொறுப்பை உடனே ஏற்க வேண்டும் என்றும் சுவரொட்டிகள் மூலம் தொண்டர்கள் தங்களது விருப்பத்தை தீவிரமாக வலியுறுத்தியுள்ளனர். அண்ணாமலையின் அரசியல் நகர்வு குறித்த குழப்பங்களுக்கு மத்தியில், பாஜக அலுவலகத்தின் அருகிலேயே ஒட்டப்பட்டுள்ள இந்த சுவரொட்டிகள் தற்போதைய அரசியல் களத்தில் விவாதப் பொருளாக மாறியுள்ளன.
