நடிகர் விஜய்யிடம் விவாகரத்து கோரி சங்கீதா மனு: நீதிமன்றத்தில் பரபரப்புப் புகார்
சென்னை: தமிழக வெற்றிக் கழகத்தின் தலைவரும், பிரபல நடிகருமான விஜய்யின் மனைவி சங்கீதா, தங்களுக்குள் நிலவும் கருத்து வேறுபாடு காரணமாக விவாகரத்து கோரி செங்கல்பட்டு குடும்ப நல நீதிமன்றத்தில் மனுத் தாக்கல் செய்துள்ளார். சுமார் 26 ஆண்டுகள் இணைந்து வாழ்ந்த இவர்கள், கடந்த இரண்டு ஆண்டுகளாகப் பிரிந்து வாழ்ந்து வருவதாக அந்த மனுவில் குறிப்பிடப்பட்டுள்ளது. விஜய் தன்னையும், தனது இரண்டு பிள்ளைகளையும் சரிவரக் கவனித்துக் கொள்வதில்லை என்றும் சங்கீதா தனது மனுவில் குற்றம் சாட்டியுள்ளார்.
மேலும், ஒரு குறிப்பிட்ட நடிகையுடன் விஜய் அடிக்கடி வெளிநாடுகளுக்குச் சென்று வந்ததாகவும், இது தங்களுக்குள் விரிசல் ஏற்படக் காரணமாக அமைந்ததாகவும் சங்கீதா தரப்பில் தெரிவிக்கப்பட்டுள்ளது. திரையுலகிலும் அரசியல் வட்டாரத்திலும் பெரும் பரபரப்பை ஏற்படுத்தியுள்ள இந்த விவாகரத்து வழக்கு, வரும் ஏப்ரல் 20-ஆம் தேதி விசாரணைக்கு வரவுள்ளது.
