ரியல் எஸ்டேட் ஒழுங்குமுறை சட்டம் – புதிய பதிப்பு தேவையென மத்திய அரசுக்கு கவுன்சில் பரிந்துரை
ரியல் எஸ்டேட் துறையில் நிலவும் குறைகளை சரிசெய்ய, தற்போதுள்ள ரியல் எஸ்டேட் ஒழுங்குமுறை சட்டத்தை மாற்றி, புதிதாக மேம்படுத்தப்பட்ட சட்டம் ஒன்றை உருவாக்க வேண்டும் என மத்திய அரசுக்கு உயர்நிலை ஆலோசனை கவுன்சில் பரிந்துரை செய்துள்ளது.
தமிழகம் உள்ளிட்ட பல மாநிலங்களில் ரியல் எஸ்டேட் ஒழுங்குமுறை ஆணையங்களும், சிறப்பு தீர்ப்பாயங்களும் செயல்பட்டு வந்தாலும், அவை வழங்கும் உத்தரவுகளை பல கட்டுமான நிறுவனங்கள் பின்பற்றாமல் இருப்பது பெரும் சிக்கலாக உருவாகியுள்ளது.
இதன் காரணமாக, ரியரா சட்டத்தின் கீழ் வழங்கப்படும் தீர்ப்புகள் நடைமுறைக்கு வராமல் கிடப்பில் போய்விடும் நிலை ஏற்பட்டுள்ளது.
இந்தப் பிரச்சனைக்கு தீர்வாக, ரியல் எஸ்டேட் ஆணையங்களுக்கு மாவட்ட ஆட்சியர் அல்லது சிவில் நீதிமன்றத்துக்கு இணையான அதிகாரங்களை வழங்கும் வகையில் சட்டத்தில் திருத்தங்களைச் செய்ய வேண்டும் என்று உயர் மட்ட கவுன்சில் பரிந்துரைத்துள்ளது.
