ரைசிங் ஸ்டார்ஸ் ஆசியக் கோப்பை 2025: இந்தியா ‘ஏ’ அணிக்கு ஜிதேஷ் சர்மா கேப்டன் — அணியினரின் பெயர் வெளியீடு
கத்தாரில் நடைபெற உள்ள ரைசிங் ஸ்டார்ஸ் ஆசியக் கோப்பை 2025–க்கான இந்தியா ‘ஏ’ அணியின் கேப்டனாக ஜிதேஷ் சர்மா நியமிக்கப்பட்டுள்ளார்.
இந்திய டி20 அணியின் விக்கெட் கீப்பராக இருக்கும் 32 வயதான ஜிதேஷ் சர்மா தலைமையில் 15 வீரர்கள் தேர்வு செய்யப்பட்டுள்ளனர். பஞ்சாப் அணியின் திறமையான ஆல்ரவுண்டர் நமன் திர் துணை கேப்டனாக அறிவிக்கப்பட்டுள்ளார்.
ஐபிஎல் 2025 சீசன் முடிந்தபின் ஜிதேஷ் சர்மா ஹோபார்ட்டில் ஆஸ்திரேலியாவுக்கு எதிரான டி20யில் 22 ரன்களை ஆட்டமிழக்காமல் விளையாடி தன் திறமையை நிரூபித்தார். மேலும், ஆர்சிபி அணி முதல்முறையாக கோப்பை வெல்ல ஜிதேஷ் சர்மா 176% ஸ்ட்ரைக் ரேட்டுடன் மிகப்பெரிய பங்களிப்பு வழங்கியது குறிப்பிடத்தக்கது.
குறிப்பாக, 14 வயதிலேயே ரசிகர்களின் கவனத்தை ஈர்த்த வைபவ் சூரியவன்ஷி இந்தியா ‘ஏ’ அணியில் இடம் பிடித்துள்ளார். பிரியன்ஷ் ஆர்யா உள்ளிட்ட இளம் திறமைகள் அணியில் இடம் பெற்றுள்ளனர்.
ஆசியக் கோப்பை இம்மாதம் 14–ம் தேதி முதல் 23–ம் தேதி வரை கத்தாரில் நடைபெற உள்ளது. ஓமான், ஐக்கிய அரபு எமிரேட்ஸ் மற்றும் பாகிஸ்தான் ‘ஏ’ அணியுடன் இந்தியா ‘ஏ’ அணி குரூப் பி–யில் உள்ளதாக தெரிவிக்கப்பட்டுள்ளது. நவம்பர் 16–ம் தேதி பாகிஸ்தான் ‘ஏ’ அணியை இந்தியா ‘ஏ’ அணி எதிர்கொள்கிறது.
இந்தியா ‘ஏ’ அணி பட்டியல்:
முதன்மை வீரர்கள்:
பிரியன்ஷ் ஆர்யா, வைபவ் சூர்யவன்ஷி, நேஹல் வதேரா, நமன் திர் (துணை கேப்டன்), சூர்யன்ஷ் ஷெட்கே, ஜிதேஷ் சர்மா (கேப்டன் — விக்கெட் கீப்பர்), ரமன்தீப் சிங், ஹர்ஷ் துபே, அசுதோஷ் சர்மா, யாஷ் தாக்கூர், குர்ஜப்னீத் சிங், விஜய் குமார் வைஷாக், யுத்வீர் சிங் சரக், அபிஸ்.
ஸ்டாண்ட்-பை வீரர்கள்:
குர்னூர் சிங் ப்ரார், குமார் குஷாக்ரா, தனுஷ் கோட்டியன், சமீர் ரிஸ்வி, ஷேக் ரஷீத்.
