தேசிய அளவிலான ‘இண்டி’ கூட்டணியில் இப்போதைக்கு சேர வேண்டாம்: முதலமைச்சர் விஜய் அதிரடி முடிவு?
தேசிய அளவிலான எதிர்க்கட்சிகளின் ‘இண்டி’ (I.N.D.I.A) கூட்டணியில் இப்போதைக்கு இணைவதில்லை எனத் தமிழக வெற்றிக் கழகத்தின் (தவெக) தலைவரும், முதலமைச்சருமான ஜோசப் விஜய் முடிவெடுத்துள்ளதாக அரசியல் வட்டாரங்களில் பரப்பரப்பான தகவல்கள் வெளியாகியுள்ளன. வரும் 2029-ஆம் ஆண்டு நடைபெறவுள்ள நாடாளுமன்றத் தேர்தல் வரை, மத்திய பா.ஜ.க அரசுடன் தேவையற்ற அரசியல் மோதல்களைத் தவிர்த்து, இணக்கமான ஒரு நிர்வாகச் சூழலைக் கடைப்பிடிக்க அவர் திட்டமிட்டுள்ளதாகக் கூறப்படுகிறது. தற்போதையச் சூழலில் அரசியல் எதிர்ப்பை விட, தமிழகத்திற்கு மத்திய அரசிடமிருந்து கிடைக்க வேண்டிய நிதி மற்றும் பல்வேறு நலத்திட்டங்களை முழுமையாகப் பெற்று மாநிலத்தை மேம்படுத்துவதே அவரது முதன்மை நோக்கமாக உள்ளது என்று தவெக தரப்பில் உற்றுநோக்கப்படுகிறது.
மத்திய அரசை நேரடியாக எதிர்த்து அரசியல் செய்வதைத் தவிர்க்கும் ஒரு உத்தியாகவே, தவெக-வுக்குக் கிடைத்த முதல் மாநிலங்களவை எம்பி (Rajya Sabha MP) பதவியைக் கூட்டணிக் கட்சியான காங்கிரசுக்கு விஜய் விட்டுக் கொடுத்தார் என்றும் சில அரசியல் விமர்சகர்கள் கருத்து தெரிவித்து வருகின்றனர். அதேவேளையில், தேசியக் கூட்டணியில் இருந்து சற்று தள்ளியிருந்தாலும், தமிழகத்தில் தவெக தலைமையிலான தற்போதைய மாநிலக் கூட்டணிக்கு ஒரு புதிய பெயரைச் சூட்டி, கூட்டணியை மேலும் வலுப்படுத்துவது குறித்தும், தொகுதிப் பங்கீடுகளைச் சீரமைப்பது குறித்தும் அவர் தீவிர ஆலோசனையில் ஈடுபட்டு வருவதாகத் தவெக வட்டாரங்கள் தெரிவிக்கின்றன.
