“பெரிய தவறு செய்துவிட்டோமோ என்று மக்கள் வருந்துகிறார்கள்” – முதலமைச்சர் விஜய்யை சாடிய உதயநிதி ஸ்டாலின்!
சென்னை: தமிழகத்தில் தற்போது நடைபெற்று வரும் தவெக ஆட்சியின் செயல்பாடுகள் குறித்து எதிர்க்கட்சித் தலைவர் உதயநிதி ஸ்டாலின் கடும் விமர்சனங்களை முன்வைத்துள்ளார்.
இது தொடர்பாக அவர் வெளியிட்டுள்ள அறிக்கையில், “எங்களிடம் (கூட்டணி கட்சிகளிடம்) எம்.எல்.ஏ-க்களைக் கடனாகப் பெற்று ஆட்சி நடத்தும் முதலமைச்சர் விஜய், தான் கொடுத்த தேர்தல் வாக்குறுதிகளை நிறைவேற்ற முடியாது என்று தெரிந்தவுடன் மக்களைத் திசைதிருப்ப முயல்கிறார்” என்று குற்றம் சாட்டியுள்ளார். தமிழகத்தின் வளர்ச்சிக்காக முந்தைய திமுக ஆட்சியில் பெறப்பட்ட கடனை ஒரு காரணமாகக் காட்டி, தற்போதைய அரசு தனது தோல்விகளை மறைக்கப் பார்ப்பதாக அவர் தெரிவித்துள்ளார்.
மேலும், “தவெக-வுக்கு வாக்களித்த மக்களே, இன்று நடைபெறும் குழப்பமான நிர்வாகத்தைப் பார்த்துவிட்டு, ‘வாக்களித்து பெரிய தவறு செய்துவிட்டோமோ’ என்று வருந்தத் தொடங்கிவிட்டார்கள்” என உதயநிதி ஸ்டாலின் காரசாரமாகத் தெரிவித்துள்ளார். நம்பிக்கை வாக்கெடுப்பு முடிந்துள்ள சூழலில், ஆளும் அரசுக்கும் எதிர்க்கட்சிக்கும் இடையிலான இந்த வார்த்தைப் போர் தமிழக அரசியலில் பரபரப்பை ஏற்படுத்தியுள்ளது.
