மகாராஷ்டிராவில் நவீன பேரிடர் மேலாண்மை: மழை, வெள்ள பாதிப்புகளைத் தடுக்க அரசு அதிரடி நடவடிக்கை!
ஆண்டுதோறும் பெருமழையினால் மகாராஷ்டிரா மாநில மக்கள் சந்திக்கும் துயரங்களுக்குத் தீர்வு காணும் வகையில், தேவேந்திர பட்னாவிஸ் தலைமையிலான அரசு பேரிடர் மேலாண்மைத் துறையை அதிரடியாக மேம்படுத்தி வருகிறது. இதற்காக மாநில அளவிலான அவசரகால செயல்பாட்டு மையத்தை (SEOC) நவீனப்படுத்துதல், மாவட்ட மையங்களை மேம்படுத்துதல் மற்றும் பேரிடர் மேலாண்மைக்காகத் தனி கல்வி நிறுவனம் தொடங்குதல் என முப்பெரும் திட்டங்கள் முன்னெடுக்கப்பட்டுள்ளன. உலகத் தரத்திற்கு இணையான தொழில்நுட்ப வசதிகளுடன் உருவாக்கப்பட்டுள்ள இந்த மையத்தில், அதிக செயல்திறன் கொண்ட கணினிகள், செயற்கைக்கோள் தொலைபேசிகள் மற்றும் செயற்கை நுண்ணறிவு (AI) மூலம் புவியைக் கண்காணிக்கும் வசதிகள் உள்ளிட்டவை இடம்பெற்றுள்ளன.
மேலும், மக்களுக்கும் அரசுக்கும் இடையேயான தகவல் தொடர்பை எளிதாக்க ‘AAPATTI SAHAYAK’ என்ற மொபைல் செயலி மற்றும் பிரத்யேக இணையதளம் அறிமுகப்படுத்தப்பட்டுள்ளது. இதன் மூலம் அவசர காலத்தில் மக்கள் SOS வசதியைப் பயன்படுத்தி புகைப்படம், வீடியோ மற்றும் இருப்பிடத் தகவல்களுடன் (Location) கட்டுப்பாட்டு அறையைத் தொடர்பு கொள்ள முடியும். நிகழ்நேரத்தில் பாதிப்புகளைக் கண்டறிந்து மீட்புப் பணிகளை விரைவுபடுத்த உதவும் இந்த ஒருங்கிணைந்த நடவடிக்கைகள், எதிர்காலத்தில் பேரிடர் பாதிப்புகளைக் குறைப்பதில் மகாராஷ்டிரா மாநிலத்திற்கு ஒரு வரலாற்றுச் சிறப்புமிக்க மைல்கல்லாக அமையும் என வல்லுநர்கள் பாராட்டு தெரிவித்துள்ளனர்.
