சர்வதேசத் திரைப்பட விழாவில் மஞ்சள் நிற பிளாஸ்டிக் பை – சீன நடிகை ஜாங் ஜிங்யி விளக்கம்!
பெய்ஜிங் சர்வதேசத் திரைப்பட விழாவின் சிவப்பு கம்பள வரவேற்பு நிகழ்ச்சியில், சீன நடிகை ஜாங் ஜிங்யி கையில் ஏந்தி வந்த ஒரு சாதாரண மஞ்சள் நிற பிளாஸ்டிக் பை உலகம் முழுவதும் பெரும் கவனத்தை ஈர்த்துள்ளது. முன்னணி நடிகைகள் பல கோடி மதிப்பிலான ஆடம்பரப் பைகளை (Luxury Bags) ஏந்தி வரும் நிலையில், ஜாங் ஜிங்யி மிகச் சாதாரண பிளாஸ்டிக் பையுடன் வந்திருந்தது சமூக வலைதளங்களில் விவாதப் பொருளானது. அந்தப் பை ‘பாலென்சியாகா’ நிறுவனத்தின் புதிய தயாரிப்பு என்றும், அதன் விலை பல லட்சம் ரூபாய் என்றும் பல்வேறு வதந்திகள் பரவி வந்தன.
தற்போது இந்த வதந்திகளுக்கு முற்றுப்புள்ளி வைத்துள்ள நடிகை ஜாங் ஜிங்யி, அந்தப் பை தனது புதிய திரைப்படமான “The One”-ல் பயன்படுத்தப்பட்ட ஒரு முக்கியப் பொருள் (Property) என்று தெரிவித்துள்ளார். செவித்திறன் குறைபாடுள்ள தனது பெற்றோருடன் அவர் தொடர்புகொள்வதற்கான ஒரு முக்கிய அடையாளமாக அந்தப் பை அந்தப் படத்தில் சித்தரிக்கப்பட்டுள்ளதால், படத்தின் மீதான கவனத்தை ஈர்க்கவே அதனை எடுத்து வந்ததாக அவர் விளக்கம் அளித்துள்ளார். நடிகையின் இந்த எதார்த்தமான செயல் மற்றும் அதன் பின்னணியில் உள்ள உணர்ச்சிகரமான காரணம் தற்போது ரசிகர்களிடையே பாராட்டைப் பெற்று வருகிறது.
