தமிழ், தெலுங்கில் வெளியாகும் ‘திரவுபதி 2’
ரிச்சர்ட் ரிஷி, ரக்ஷனா இந்துசுதன், நட்டி நடராஜ், ஒய்.ஜி. மகேந்திரன், சரவண சுப்பையா உள்ளிட்டோர் முக்கிய கதாபாத்திரங்களில் நடித்துள்ள படம் ‘திரவுபதி 2’.
ஜிப்ரான் இசையமைக்க, பிலிப் ஆர். சுந்தர் ஒளிப்பதிவு செய்துள்ளார். நேதாஜி புரொடக்ஷன்ஸ், சோழ சக்ரவர்த்தி, ஜி.எம். ஃபிலிம் கார்ப்பரேஷன் ஆகிய நிறுவனங்கள் இணைந்து தயாரித்துள்ளன.
மோகன் ஜி இயக்கியுள்ள இந்த படம் தமிழ் மற்றும் தெலுங்கு மொழிகளில் ஒரே நேரத்தில் வெளியிடப்படுகிறது. தென்னிந்திய வரலாற்று பின்னணியில் சக்தி, மரபு மற்றும் நீதி குறித்து படம் பேசுகிறது.
தற்போது போஸ்ட் புரொடக்ஷன் பணிகள் நடைபெற்று வருகின்றன. டிசம்பர் மாதம் வெளியிட திட்டமிடப்பட்டுள்ள இந்தப் படத்தின் இரண்டாவது லுக் போஸ்டர் அண்மையில் வெளியிடப்பட்டுள்ளது.
