ஆழ்கடலில் கண்டெடுக்கப்பட்ட அபூர்வ காட்சி – பிரமாண்ட ஜெல்லிஃபிஷ் வீடியோவில் பதிவு
கடலின் வெளிச்சமற்ற ஆழப்பகுதியில், அளவிற்கு மீறிய பெரிய ஜெல்லிஃபிஷ் ஒன்று நீந்திச் செல்லும் அபூர்வமான காட்சியை ஆழ்கடல் ஆய்வாளர்கள் வீடியோவாக பதிவு செய்துள்ளனர்.
மத்திய மற்றும் தென் அமெரிக்க கடற்கரை பகுதிகளை ஒட்டிய கடல்பகுதியில், சுமார் 3,200 அடி ஆழத்தில் கலிபோர்னியாவை தலைமையிடமாகக் கொண்ட மான்டெரி பே அக்வேரியம் ஆராய்ச்சி நிறுவனம் ஆய்வுகளை மேற்கொண்டது.
இந்த ஆய்வின் போது, தொலைநியந்திரக் கட்டுப்பாட்டில் இயங்கும் நீர்மூழ்கி வாகனங்கள் மூலம் அந்த அரிய காட்சிகள் பதிவுசெய்யப்பட்டன.
பதிவான தகவல்களின்படி, அந்த ஜெல்லிஃபிஷின் குடை வடிவத் தலைப்பகுதி சுமார் 3 அடி அகலமுடையதாகவும், அதன் உடலிலிருந்து நீளமாக தொங்கும் வாய்வழிக் கரங்கள் சுமார் 33 அடி நீளமுள்ளதாகவும் ஆய்வாளர்கள் தெரிவித்துள்ளனர்.
