மத்திய பட்ஜெட் விவாதம் – டைம்ஸ் நவ் நிகழ்ச்சியில் திமுக செய்தி தொடர்பாளர் சிக்கல்; வீடியோ வைரல்
மத்திய பட்ஜெட்டை மையமாகக் கொண்டு டைம்ஸ் நவ் ஆங்கில செய்தி சேனலில் நடைபெற்ற விவாத நிகழ்ச்சியில், இந்தி திணிப்பு தொடர்பான கேள்விக்கு தெளிவான பதில் அளிக்க முடியாமல் திமுக செய்தி தொடர்பாளர் சரவணன் அண்ணாதுரை சங்கடமான நிலைக்கு தள்ளப்பட்ட சம்பவம் சமூக வலைதளங்களில் பரபரப்பை ஏற்படுத்தியுள்ளது.
இந்த விவாத நிகழ்ச்சியில் திமுக சார்பில் சரவணன் அண்ணாதுரையும், பாஜக தேசிய செய்தி தொடர்பாளர் ஷேசாத் பூனாவாலாவும் உள்ளிட்டோர் பங்கேற்றனர். விவாதத்தின் போது, மத்திய பட்ஜெட்டுடன் நேரடி தொடர்பு இல்லாத வகையில், இந்தி திணிப்புக்கு எதிராக ‘பராசக்தி’ திரைப்படம் உருவாக்கப்பட்டதாக சரவணன் குறிப்பிட்டார்.
இதற்கு இடையில் குறுக்கிட்ட ஷேசாத் பூனாவாலா, அந்த இந்தி எதிர்ப்பு போராட்டம் எந்த அரசியல் கட்சியின் ஆட்சிக் காலத்தில் நடைபெற்றது என கேள்வி எழுப்பினார். அதற்கு காங்கிரஸ் ஆட்சி காலம் என சரவணன் பதிலளித்தார். இதனைத் தொடர்ந்து, தற்போது திமுக காங்கிரசுடன் கூட்டணியில் உள்ளதே என ஷேசாத் பூனாவாலா சுட்டிக்காட்டினார்.
இந்த கேள்வியை கேட்டதும், நிகழ்ச்சியின் நெறியாளர் உட்பட விவாதத்தில் இருந்த பலரும் சிரிப்பை அடக்க முடியாமல் இருந்தனர். அந்தச் சூழலில், பதில் சொல்ல முடியாமல் தடுமாறிய சரவணன், கேலிச்சிரிப்புடன் நிலைமையை சமாளிக்க முயன்றதாக கூறப்படுகிறது.
இந்த நிகழ்ச்சியின் வீடியோ காட்சிகள் தற்போது சமூக வலைதளங்களில் வேகமாக பரவி வரும் நிலையில், நெட்டிசன்கள் திமுக செய்தி தொடர்பாளர் சரவணனை விமர்சனங்களுடனும் கேலியுடனும் பதிவிட்டு வருகின்றனர்.
