திமுக இல்லாத தமிழகம் – பொதுமக்களின் விருப்பம்
தமிழக பாஜக மாநில தலைவர் நயினார் நாகேந்திரன், பொதுமக்களின் கனவு திமுக இல்லாத தமிழகம் என தெரிவித்துள்ளார்.
இதுகுறித்து வெளியிட்ட பதிவில், “உங்கள் கனவை சொல்லுங்கள்” என்ற பெயரில் முதல்வர் ஸ்டாலின் தமிழகத்தில் புதிய முயற்சியை துவக்கி உள்ளதாக அவர் குறிப்பிட்டுள்ளார்.
நான்கரை ஆண்டுகளுக்குப் பிறகு தமிழகத்தை எழுப்பி நிறுத்திய முதல்வருக்கு மக்களின் கனவுப் பட்டியலை அறிய வேண்டியது அவசியம் என்று நயினார் நாகேந்திரன் வலியுறுத்தியுள்ளார்.
பொதுமக்களின் முக்கியக் கனவுகள் பின்வருமாறு:
- சட்டம் ஒழுங்கு நிலைநாட்டப்பட்ட தமிழகம்.
- கள்ளச்சாராயமும், கஞ்சாவும் இல்லாத சமூக சூழல்.
- பெண்கள் மற்றும் குழந்தைகளுக்கான பாதுகாப்பு உறுதி செய்யும் தமிழகம்.
- திமுகவின் வெற்று விளம்பரம் இல்லாத அரசு.
- அரசுத் துறைகளில் ஊழல் இல்லாத நிலை.
- ஆசிரியர்கள், அரசு ஊழியர்கள் தன்மானத்துடன் வாழும் சூழல்.
- தூய்மைப் பணியாளர்கள், விவசாயிகள், அங்கன்வாடி ஊழியர்கள் கண்ணீர் சிந்தாமை வாழும் சமூகம்.
- அரசின் அநீதிகளை எதிர்த்து கேள்விகள் கேட்பவர்களை அடக்காத பாசிச மனப்பான்மை இல்லாத அரசு.
- விசாரணை கைதிகள், புலம்பெயர்ந்தோர் உள்ளிட்ட எவரும் கொல்லப்படாத சூழல்.
- கல்விக் கடன்கள் தள்ளுபடி, அரசு ஊழியர்கள் நிரந்தர பணி, காஸ் சிலிண்டர் விலை குறைப்பு போன்ற வாக்குறுதிகளை ஏமாற்றமில்லாமல் நிறைவேற்றும் அரசு.
- இந்துமத வெறுப்பு இல்லாத அரசு.
மொத்தத்தில், திமுக இல்லாத தமிழகம் என்பதே பொதுமக்களின் கனவு, இது விரைவில் நிறைவேறும் என நயினார் நாகேந்திரன் கூறியுள்ளார்.
