கன்யாகுமரி: உண்ணாமலை பத்ரகாளி அம்மன் கோயில் சிலை மற்றும் சிவலிங்கத்தை அதிகாரிகள் பெயர்த்து எடுத்துச் சென்றதால் பக்தர்கள் அதிர்ச்சி
கன்யாகுமரி மாவட்டம், முடியாம்பாறை – பக்தர்களின் பல தலைமுறை வழிபாட்டுக்கு முக்கியமான முடியாம்பாறை ஸ்ரீ பத்ரகாளி அம்மன் திருக்கோவில் சமீபத்தில் அரசியல் மற்றும் அதிகார நடவடிக்கைகளால் பரபரப்பாக உள்ளது. கோயிலின் பாறையில் இருந்த கருங்கல்லால் உருவான, சுமார் ஒன்று அடி உயரம் கொண்ட ஸ்ரீ பத்ரகாளி அம்மன் சிலை மற்றும் அருகில் உள்ள சித்தர் பீட சிவலிங்கம் இன்று அதிகாரிகள் மூலம் பெயர்ந்து எடுத்துச் செல்லப்பட்டது.
பின்னணி: கடந்த 28-ஆம் தேதி நடைபெற்ற 51வது நவராத்திரி திருவிழாக்கு முன்னதாகவே, கோயிலின் வெளிப்புற பீடத்தை மர்ம நபர்கள் உடைத்து சேதப்படுத்தியதாகக் கூறப்படுகிறது. இதன் பின்னர், கோவில் நிர்வாகிகள் மார்த்தாண்டம் காவல் நிலையத்தில் புகார் அளித்தனர்.
இந்நிலையில், தாசில்தார் தலைமையிலான அதிகாரிகள் கோயிலில் சென்று பூட்டை உடைத்து, பீடத்தை, பத்ரகாளி அம்மன் சிலை மற்றும் சிவலிங்கத்தையும் இரண்டு வாகனங்களில் எடுத்துச் சென்றனர். இதற்குப் பிறகு, இந்து முன்னணி மாவட்ட தலைவர் வக்கீல் ஆறுமுகம் தலைமையில் பக்தர்கள் மற்றும் முன்னணி உறுப்பினர்கள் கோயில் அருகே திரண்டு பதட்டமான பரபரப்பை உருவாக்கினர்.
இந்து முன்னணி தலைவரின் கருத்து:
வக்கீல் ஆறுமுகம் செய்தியாளர்களிடம் கூறியதாவது, “முடியாம்பாறை பத்ரகாளி அம்மன் கோவில் பல தலைமுறைகளாக வழிபாட்டிற்கு முக்கியமாக இருந்து வந்தது. பக்தர்கள் அங்கே தினசரி பூஜை செய்தும், சிறப்பு நாட்களில் சிறப்பு வழிபாடுகளை நடத்தி வருகின்றனர். இந்தப் பாரம்பரியத்தை இவ்வாறு உடைத்து பெயர்த்து எடுத்துச் செல்லுவது அவர்களின் உணர்வுக்கு மிகுந்த பாதிப்பை ஏற்படுத்தும்” என தெரிவித்தார்.
கோயிலுக்கான பின்னணி:
முடியாம்பாறை பத்ரகாளி அம்மன் திருக்கோவில் பாறையின் அருகே ஒரு பக்கம் காங்கிரட் சாலை மற்றும் கீழ்ப்பகுதியில் அரசு மருத்துவமனை கட்டுமானம் நடைபெற்று வருகிறது. ஆரம்ப கட்டத்தில் பக்தர்கள் மற்றும் அதிகாரிகள் இடையே கருத்து மோதல்கள் இருந்த போதிலும், பின்னர் பக்தர்கள் மருத்துவமனை கட்டுமானத்திற்கு ஒத்துழைப்பு அளித்தனர்.
தற்போதைய நிலை:
அங்குள்ள பக்தர்கள் மற்றும் இந்து முன்னணி உறுப்பினர்கள் கோயிலின் பாரம்பரியத்திற்கு ஏற்பட்ட சேதத்திற்கு கடும் எதிர்ப்பு தெரிவித்து, சம்பவம் தொடர்பாக போலீசார் விசாரணை நடத்தி வருகின்றனர்.
