திருச்சி: தவறான பொருள் அனுப்பிய அமேசானுக்கு ₹35,000 அபராதம்
திருச்சி மாவட்டத்தில், வாடிக்கையாளர் ஆர்டர் செய்த பொருளுக்குப் பதிலாக மாற்றுப்பொருள் கொடுத்து சேவை குறைபாடு ஏற்படுத்திய அமேசான் நிறுவனம் மீது அபராதம் விதிக்கப்பட்டது.
கே.கே. நகரில் வசிக்கும் ஐசக் நியூட்டன், இணையத்தில் ஆர்டர் செய்த பொருளுக்கு பதிலாக முற்றிலும் வேறான பொருள் தமக்கு கிடைத்ததாக புகார் செய்தார்.
இதையடுத்து அவர் நீதிமன்றத்தில் மனு தாக்கல் செய்தார். வழக்கின் விசாரணை முடிவில், அமேசான் நிறுவனத்தின் தவறை சுட்டிக்காட்டி, வாடிக்கையாளருக்கு ஈடு செய்யும் வகையில் ₹35,000 அபராதம் செலுத்த வேண்டும் என்று திருச்சி நீதிமன்றம் உத்தரவு பிறப்பித்தது.
