கோவை கொள்ளை வழக்கு : துப்பாக்கிச் சூட்டில் பிடிக்கப்பட்ட மூவரில் ஒருவரின் மரணம்
கோவை கொள்ளைச் சம்பவத்தைச் சார்ந்து போலீசார் சுட்டுப் பிடித்த உத்தரப்பிரதேசத்தைச் சேர்ந்த மூவரில் ஒருவர், மருத்துவ சிகிச்சை பலனின்றி உயிரிழந்துள்ளார்.
கடந்த வெள்ளிக்கிழமை கோவையின் கவுண்டம்பாளையம் அரசு குடியிருப்பு வளாகத்தில் உள்ள 13 வீடுகளில் திருடர்கள் புகுந்து 42 சவரன் தங்க நகைகளையும், ரூ.1.5 லட்சம் பணத்தையும் பறித்துச் சென்றனர். இந்த சம்பவத்தைத் தொடர்ந்து போலீசார் விசாரணை தீவிரப்படுத்தினர்.
இந்த தேடுதலின் போது, உத்தரப்பிரதேசத்தைச் சேர்ந்த ஆசிப், இர்ஃபான், கல்லு ஆகிய மூவரும் குளத்துப்பாளையம் பகுதியில் ஒளிந்து இருந்ததை போலீசார் கண்டுபிடித்தனர். அவர்களை கைதுசெய்ய முயன்றபோது, போலீசார் துப்பாக்கி பயன்படுத்தி கைது செய்தனர்.
துப்பாக்கிக் காயங்களுடன் இருந்த இவர்களை கோவை அரசு மருத்துவக் கல்லூரி மருத்துவமனைக்கு கொண்டு சென்று சேர்த்தனர். அங்கு மூவருக்கும் அறுவை சிகிச்சை செய்து அவர்களின் காலில் இருந்த குண்டுகள் அகற்றப்பட்டன.
அதனைத் தொடர்ந்து தீவிர சிகிச்சை அளிக்கப்பட்டபோதிலும், ஆசிப் என்பவர் காயம் மோசமடைந்து இறந்ததாக தெரிவிக்கப்பட்டுள்ளது. இந்த மரணம் தொடர்பாக நீதிபதி தலைமையில் விசாரணை நடைபெற உள்ளது. மேலும், திங்கட்கிழமை உடற்கூறாய்வு செய்யப்படும் என தகவல்கள் வெளியாகியுள்ளன.
