“பக்தி மனிதர்களை ஒன்றிணைக்கிறது” – ஆர்.எஸ்.எஸ் தலைவர் மோகன் பகவத்
இந்திய மொழிகள் மற்றும் தாய்மொழிகளின் பயன்பாடு குறைந்து வருவதை ஆர்.எஸ்.எஸ் தலைவர் மோகன் பகவத் கவலைக்கிடம் என தெரிவித்துள்ளார்.
மகாராஷ்டிராவின் நாக்பூரில் நடைபெற்ற ஒரு புத்தக வெளியீட்டு நிகழ்ச்சியில் கலந்து கொண்ட அவர், பேசும் போது அனைத்து மனிதர்களின் உள்ளத்திலும் பக்தி இயற்கையாகவே இருப்பதாக கூறினார்.
பக்தி மனிதர்களை ஒரே நூலில் கோர்த்துப் பிணைப்பதாகவும், இதன் சக்தியை அறிவியல் கூட இப்போது புரிந்துகொள்ளும் நிலையிலுள்ளது என்றும் அவர் குறிப்பிட்டார்.
இந்திய மொழிகளின் பயன்பாடு நாளுக்கு நாள் சுருங்கி வருவது வருத்தத்துக்குரிய விஷயமெனவும், தங்கள் சொந்த மொழி பற்றி கூட தெரியாத நிலை சிலருக்கு இருப்பதை காணுவது வேதனையளிப்பதாகவும் மோகன் பகவத் மேலும் தெரிவித்தார்.
