இந்திய கடற்படையின் MH-60R கண்காணிப்பு ஹெலிகாப்டர்கள் அடுத்த 5 ஆண்டுகள் பராமரிக்க அமெரிக்காவுடனான ஒப்பந்தத்தில் மத்திய பாதுகாப்பு அமைச்சகம் கையெழுத்திட்டுள்ளது.
கடந்த 2020-ஆம் ஆண்டு, இந்தியா இந்த ஹெலிகாப்டர்களை வாங்குவதற்காக அமெரிக்காவுடன் ஒப்பந்தம் செய்திருந்தது. அதன் வினியோகம் 2021 முதல் தொடங்கியுள்ளது.
இந்த புதிய ஒப்பந்தத்தின் மதிப்பு சுமார் 7,995 கோடி ரூபாய் என பாதுகாப்பு செயலாளர் ராஜேஷ் குமார் சிங் தெரிவித்துள்ளார்.
ஒப்பந்தத்தில் உதிரிபாகங்கள் வழங்கல், பயிற்சி, தொழில்நுட்ப உதவி மற்றும் பழுது நீக்கம் உள்ளிட்ட அனைத்தும் அடங்கியுள்ளது என அதிகாரிகள் தெரிவித்துள்ளனர்.
