தென் ஆப்பிரிக்காவை 2–1 என்ற கணக்கில் வீழ்த்தி ஒருநாள் தொடரை கைப்பற்றியது பாகிஸ்தான்!
பைசலாபாத்: தென் ஆப்பிரிக்காவுக்கு எதிரான ஒருநாள் கிரிக்கெட் தொடரில் பாகிஸ்தான் அணி 2–1 என்ற கணக்கில் வெற்றி பெற்று கோப்பையை கைப்பற்றியது.
பாகிஸ்தானில் நடைபெற்ற இந்த தொடரின் முதல் இரண்டு ஆட்டங்களில் இரு அணிகளும் தலா ஒரு வெற்றியைப் பெற்றிருந்தன. தீர்மானிக்கும் மூன்றாவது ஆட்டம் சனிக்கிழமை பைசலாபாதில் நடைபெற்றது.
டாஸ் வென்ற தென் ஆப்பிரிக்க அணி முதலில் பேட்டிங் செய்தது. அணி 37.5 ஓவர்களில் 143 ரன்களுக்கு ஆல் அவுட் ஆனது. பாகிஸ்தானின் அப்ரார் அகமது 4 விக்கெட்டுகள், ஷாஹீன் அப்ரிடி, முகமது நவாஸ், சல்மான் ஆகா தலா 2 விக்கெட்டுகள் எடுத்தனர்.
பின்னர், 144 ரன்கள் இலக்குடன் களமிறங்கிய பாகிஸ்தான் அணி, 25.1 ஓவர்களில் 3 விக்கெட்டுகள் இழந்து 144 ரன்கள் எடுத்தது. சயீம் அயூப் 77, பாபர் அஸம் 27, முகமது ரிஸ்வான் 32 ரன்கள் எடுத்தனர்.
இதன் மூலம், பாகிஸ்தான் அணி ஆட்டத்தையும், தொடரையும் வெற்றி பெற்று தொடர் சாம்பியனாக விளங்கியது.
