அண்ணாமலை விலகல் வதந்தி: மேலிடம் விளக்கம் தரக் கோரி பாஜக தொண்டர்கள் ஒட்டிய சுவரொட்டிகள்!
சென்னை: தமிழக பாஜக முன்னாள் தலைவர் கே. அண்ணாமலை கட்சியிலிருந்து விலகுவதாக சமூக வலைத்தளங்களிலும், அரசியல் வட்டாரத்திலும் பரவி வரும் தொடர் வதந்திகளுக்கு மத்தியில், பா.ஜ.க தொண்டர்கள் மற்றும் யுவ மோர்ச்சா அமைப்பினர் மத்தியில் பெரும் குழப்பம் ஏற்பட்டுள்ளது. இத்தகைய பரபரப்பான சூழலில், அண்ணாமலையைப் பாராட்டி கட்சியின் தொண்டர்கள் பல்வேறு இடங்களில் சுவரொட்டிகளை (Posters) ஒட்டி வருகின்றனர்.
மேலும், இந்த விவகாரம் தொடர்பாக கட்சியின் தேசிய மேலிடம் உடனடியாகத் தலையிட்டுத் தங்களது அதிகாரப்பூர்வ நிலைப்பாட்டைத் தெளிவுபடுத்த வேண்டும் என்றும், அப்போதுதான் தொண்டர்கள் மத்தியிலுள்ள குழப்பத்தைத் தீர்த்து, கட்சியை விட்டு மக்கள் பெருமளவில் வெளியேறுவதைத் தடுக்க முடியும் என்றும் அவர்கள் அவசரக் கோரிக்கை விடுத்துள்ளனர். இந்த சுவரொட்டிச் சம்பவம் தற்போதைய அரசியல் சூழலில் கூடுதல் பரபரப்பை ஏற்படுத்தியுள்ளது.
