“நாங்க ஒன்னு சேர்ந்துட்டோம், இனி எல்லாரும் பயப்படப் போறாங்க!” – அதிமுக முன்னாள் அமைச்சர் எஸ்.பி.வேலுமணி அதிரடி
கோவை:
“அதிமுகவில் இனி எந்தவிதப் பிளவும் இல்லை; நாங்கள் அனைவரும் ஒன்றிணைந்து விட்டோம். இனி வரும் காலங்களில் மற்ற அரசியல் கட்சிகள் அனைத்தும் எங்களைப் பார்த்து பயப்படப் போகின்றன” என்று அதிமுக முன்னாள் அமைச்சர் எஸ்.பி.வேலுமணி அதிரடியாகத் தெரிவித்துள்ளார். இதுதொடர்பாக செய்தியாளர்களிடம் பேசிய அவர், அதிமுகவில் பிளவு இருப்பதாகக் கூறப்படுவதில் உண்மையில்லை என்றும், கட்சிக்குள் சில தற்காலிகக் கருத்து வேறுபாடுகள் மட்டுமே நிலவி வந்ததாகவும் விளக்கமளித்தார்.
மேலும், உட்கட்சிப் பூசல்களுக்கு முற்றுப்புள்ளி வைக்கும் விதமாக, எம்.எல்.ஏ-க்களைத் தகுதி நீக்கம் செய்யக்கோரி தாக்கல் செய்யப்பட்டிருந்த இரண்டு மனுக்களையும் தாங்கள் தற்போது முறைப்படி திரும்பப் பெற்றுள்ளதாக அவர் உறுதிப்படுத்தியுள்ளார். அதிமுகவின் இந்த திடீர் சமரச நகர்வுகளும், “ஒன்றாக இணைந்து விட்டோம்” என்ற வேலுமணியின் தற்போதைய பிரகடனமும், தமிழக அரசியல் களத்தில் புதிய திருப்பத்தையும் பரபரப்பையும் ஏற்படுத்தியுள்ளது.
