தவெக கூட்டணிக்கு விசிக, கம்யூனிஸ்ட் கட்சிகளை திமுகதான் அனுப்பியதா? கோட்டை வட்டாரத்தில் பரவும் அதிரடித் தகவல்!
சென்னை:
தமிழக அரசியல் களத்தில் அடுத்தடுத்து அரங்கேறி வரும் வியூகங்களுக்கு மத்தியில், தலைமைச் செயலக (கோட்டை) வட்டாரத்தில் இருந்து கசிந்துள்ள ஒரு புதிய தகவல் பெரும் பரபரப்பை ஏற்படுத்தியுள்ளது. தமிழக வெற்றிக் கழகத்தின் (தவெக) கூட்டணிக்கு விடுதலைச் சிறுத்தைகள் கட்சி (விசிக), இடதுசாரிகள் (கம்யூனிஸ்ட்) மற்றும் இந்திய யூனியன் முஸ்லிம் லீக் ஆகிய கட்சிகளை கடைசி நேரத்தில் திமுக தலைமைதான் திட்டமிட்டு அனுப்பி வைத்ததாகக் கூறப்படுகிறது.
மாநிலத்தில் ஒருவேளை ஜனாதிபதி ஆட்சி அமைந்து, அதன் பிறகு மறுதேர்தல் நடக்கும் பட்சத்தில் தவெக மிகப்பெரிய வெற்றியைப் பெற வாய்ப்புள்ளது என்றும், அது தங்களின் அரசியல் எதிர்காலத்திற்கே பெரும் சவாலாக முடியும் என்றும் திமுக தலைமை கணித்துள்ளதாகத் தெரிகிறது. இதன் காரணமாகவே, திமுக தலைவர் மு.க.ஸ்டாலின் கூட்டணி கட்சிகளிடம், “நான் மீண்டும் உங்களை அழைக்கும் வரை தவெக கூட்டணியிலேயே நீடியுங்கள்” என்று அறிவுறுத்தி அனுப்பி வைத்திருப்பதாக அரசியல் வட்டாரங்கள் பேசத் தொடங்கியுள்ளன. திரைக்குப் பின்னால் நடந்த இந்த அரசியல் நகர்வுகள் மூலம், தமிழக அரசியலின் நிஜமான பின்னணி உண்மைகள் ஒவ்வொன்றாக வெளிவரத் தொடங்கியுள்ளதாக அரசியல் விமர்சகர்கள் கருதுகின்றனர்.
