தமிழகத்தின் புதிய எதிர்க்கட்சித் தலைவர் உதயநிதி ஸ்டாலின்: திமுக அதிகாரப்பூர்வ அறிவிப்பு!
சென்னை: தமிழக சட்டமன்றத்தின் புதிய எதிர்க்கட்சித் தலைவராக திமுக இளைஞரணி செயலாளரும், சேப்பாக்கம் – திருவல்லிக்கேணி தொகுதி எம்.எல்.ஏ.வுமான உதயநிதி ஸ்டாலின் அதிகாரப்பூர்வமாகத் தேர்வு செய்யப்பட்டுள்ளார்.
நடந்து முடிந்த சட்டமன்றத் தேர்தலில் ஆளும் கட்சியாக இருந்த திமுக 59 இடங்களைக் கைப்பற்றி எதிர்க்கட்சி அந்தஸ்தைப் பெற்றுள்ளது. இத்தேர்தலில் திமுக தலைவர் மு.க.ஸ்டாலின் எதிர்பாராத விதமாகத் தோல்வியடைந்த நிலையில், அக்கட்சியின் அடுத்தகட்ட நகர்வு குறித்துப் பெரும் எதிர்பார்ப்பு நிலவியது.
கடந்த மே 7-ம் தேதி அண்ணா அறிவாலயத்தில் திமுக தலைவர் ஸ்டாலின் தலைமையில் நடைபெற்ற சட்டமன்ற உறுப்பினர்கள் கூட்டத்தில் இதற்கான முக்கிய முடிவுகள் எடுக்கப்பட்டன. அதன் விபரம் வருமாறு:
திமுக சட்டமன்றக் குழுப் பொறுப்பாளர்கள்:
- சட்டமன்றக் கட்சித் தலைவர் (எதிர்க்கட்சித் தலைவர்): உதயநிதி ஸ்டாலின்
- சட்டமன்றக் கட்சித் துணைத் தலைவர்: கே.என்.நேரு
- சட்டமன்றக் கொறடா: எ.வ.வேலு
முன்னாள் முதலமைச்சர் மு.க.ஸ்டாலின் தலைமையில் நடைபெற்ற இந்தக் கூட்டத்தில், ஒருமனதாக உதயநிதி ஸ்டாலின் தலைவராகத் தேர்ந்தெடுக்கப்பட்டதற்கான அறிக்கை வெளியிடப்பட்டுள்ளது. இதன் மூலம் தமிழக சட்டசபையில் ஆளுங்கட்சியான தவெக-வின் முதலமைச்சர் விஜய்க்கும், எதிர்க்கட்சித் தலைவர் உதயநிதி ஸ்டாலினுக்கும் இடையிலான அரசியல் விவாதங்கள் இனிவரும் காலங்களில் அனல் பறக்கும் என எதிர்பார்க்கப்படுகிறது.
தமிழக அரசியலில் ஒரு புதிய தலைமுறைத் தலைவர்களின் மோதலைச் சட்டமன்றத்தில் பார்க்கப்போகிறோம். இது ஒரு ஆரோக்கியமான மாற்றமாக இருக்கும் என்று கருதுகிறீர்களா?
