எப்ஸ்டீன் கோப்புகளில் வெளியான புகைப்படம்: ஸ்டீபன் ஹாக்கிங் குடும்பத்தினர் விளக்கம்
லண்டன்: மறைந்த உலகப் புகழ்பெற்ற பிரிட்டிஷ் இயற்பியலாளர் ஸ்டீபன் ஹாக்கிங், பிகினி உடையில் இருக்கும் பெண்களுடன் இருக்கும் புகைப்படம் சமூக வலைதளங்களில் வைரலாகி பெரும் சர்ச்சையை ஏற்படுத்தியது. அமெரிக்க நீதித்துறை அண்மையில் வெளியிட்ட ‘எப்ஸ்டீன் ரகசியக் கோப்புகளில்’ இந்தப் புகைப்படம் இடம்பெற்றுள்ளது. இதில் சாய்வு நாற்காலியில் அமர்ந்து காக்டெய்ல் அருந்தும் ஹாக்கிங்கிற்கு அருகில் இரு பெண்கள் இருப்பது போன்ற காட்சிகள் பதிவாகியுள்ளன.
இந்த விவகாரம் குறித்து விளக்கமளித்துள்ள ஹாக்கிங்கின் குடும்பத்தினர், அந்தப் புகைப்படத்தில் இருப்பவர்கள் அவரது நீண்டகாலப் பராமரிப்பாளர்கள் (Caregivers) என்று தெரிவித்துள்ளனர். மோட்டார் நியூரான் நோயால் பாதிக்கப்பட்டிருந்த ஹாக்கிங்கிற்கு 24 மணி நேரமும் மருத்துவ உதவி தேவைப்பட்டதால், அவர்கள் எப்போதும் அவருடனேயே இருக்க வேண்டிய சூழல் இருந்ததாகக் குறிப்பிட்டுள்ள குடும்பத்தினர், இந்த விவகாரத்தில் நிலவும் தேவையற்ற வதந்திகளுக்கு முற்றுப்புள்ளி வைத்துள்ளனர்.
