சென்னை கொடுங்கையூரில் பெயிண்ட்–ஹார்டுவேர்ஸ் வணிக வளாகத்தில் வருமான வரித்துறை அதிரடி சோதனை
சென்னையில் செயல்பட்டு வரும் பெயிண்ட் மற்றும் ஹார்டுவேர்ஸ் வணிக வளாகம் ஒன்றில், வருமான வரித்துறை அதிகாரிகள் திடீர் சோதனை மேற்கொண்டுள்ளனர்.
கொடுங்கையூரில் உள்ள A1 பெயிண்ட் மற்றும் ஹார்டுவேர்ஸ் நிறுவனத்தில், நேற்று 10க்கும் அதிகமான வருமான வரித்துறை அதிகாரிகள் நேரில் ஆஜராகி சோதனையில் ஈடுபட்டனர். இந்த நடவடிக்கை, வரி ஏய்ப்பு குறித்த புகாரின் அடிப்படையில் மேற்கொள்ளப்பட்டதாக முதற்கட்ட தகவல்கள் தெரிவிக்கின்றன.
சோதனையின் போது வரி முறைகேடு தொடர்பான சில ஆவணங்கள் கைப்பற்றப்பட்டுள்ளதாகவும், அவற்றின் அடிப்படையில் மேலதிக விசாரணை நடத்தப்பட உள்ளதாகவும் வருமான வரித்துறை தரப்பில் தெரிவிக்கப்பட்டுள்ளது.
இந்நிலையில், சமீபத்தில் கொளத்தூரில் தொடங்கப்பட்ட அறநிலையத்துறைக்கு உட்பட்ட கபாலீஸ்வரர் கலை மற்றும் அறிவியல் கல்லூரியின் கட்டுமான பணிகளுக்குத் தேவையான பொருட்கள் அனைத்தையும் A1 ஹார்டுவேர்ஸ் நிறுவனம் வழங்கியதாகவும் தகவல்கள் வெளியாகியுள்ளன.
