ஜனவரி 6ல் தமிழக அமைச்சரவை கூட்டம் – முக்கிய முடிவுகள் எடுக்கப்பட வாய்ப்பு
முதலமைச்சர் மு.க.ஸ்டாலின் தலைமையில், வரும் ஜனவரி 6ஆம் தேதி தமிழக அமைச்சரவை கூட்டம் நடைபெறுகிறது என்று அதிகாரப்பூர்வமாக அறிவிக்கப்பட்டுள்ளது.
2026ஆம் ஆண்டுக்கான முதல் சட்டப்பேரவை கூட்டம் ஜனவரி 20ஆம் தேதி ஆளுநரின் உரையுடன் தொடங்கவுள்ள நிலையில், அதற்கான முன்னேற்பாடாக சென்னை தலைமைச் செயலகத்தில் இந்த அமைச்சரவை கூட்டம் நடைபெற உள்ளது.
இந்தக் கூட்டத்தில், ஆளுநர் உரையில் சேர்க்கப்பட வேண்டிய முக்கிய அம்சங்கள் குறித்து விரிவான ஆலோசனை நடைபெறும் எனத் தெரிவிக்கப்பட்டுள்ளது. அதேபோல், அரசு ஊழியர்கள், ஆசிரியர்கள் மற்றும் செவிலியர்கள் முன்வைத்துள்ள கோரிக்கைகள் தொடர்பாகவும் விவாதிக்கப்பட உள்ளது.
மேலும், அரசு ஊழியர்களின் ஓய்வூதிய திட்டங்கள் குறித்து ஆய்வு குழு சமர்ப்பித்துள்ள அறிக்கையின் அடிப்படையில் அடுத்தகட்ட நடவடிக்கைகள் குறித்து முக்கிய தீர்மானங்கள் எடுக்கப்படும் வாய்ப்பு உள்ளது என கூறப்படுகிறது.
இதற்குடன், பல்வேறு தொழில் நிறுவனங்களுக்கு அரசின் அனுமதி வழங்குவது தொடர்பான தீர்மானங்களும் இந்த அமைச்சரவை கூட்டத்தில் எடுக்கப்படலாம் என்று தகவல்கள் தெரிவிக்கின்றன.
