சிதம்பரம் நடராஜர் ஆலயத்தில் ஆருத்ரா தரிசன பெருவிழா ஆரம்பம்
சிதம்பர நகரில் அமைந்துள்ள உலகப் புகழ் பெற்ற நடராஜர் திருக்கோயிலில் ஆருத்ரா தரிசனப் பெருவிழா கொடியேற்ற நிகழ்வுடன் சிறப்பாக தொடங்கப்பட்டது.
இந்த திருக்கோயிலில் ஒவ்வொரு ஆண்டும் மார்கழி மாத ஆருத்ரா தரிசனமும், ஆனி மாத திருமஞ்சன விழாவும் பண்டைய காலம் முதல் மரபின்படி நடைபெற்று வருகிறது. அந்த வழக்கின் படி, இவ்வாண்டிற்கான ஆருத்ரா தரிசன விழா கொடி ஏற்றத்துடன் தொடங்கியது. இதில் ஏராளமான பக்தர்கள் பங்கேற்று இறைவனை வழிபட்டனர்.
இதனைத் தொடர்ந்து நாளை வெள்ளிக்கிழமை சந்திர பிரபை வாகனத்தில் வீதியுலா நடைபெற உள்ளது. புத்தாண்டு நாளான ஜனவரி 1ஆம் தேதி தங்க ரதத்தில் சோமாஸ்கந்தர், வெட்டுக் குதிரை வாகனத்தில் நகர்வலம் வரவுள்ளார். ஜனவரி 2ஆம் தேதி தேரோட்டம் நடைபெறவுள்ளதுடன், 3ஆம் தேதி முக்கியமான ஆருத்ரா தரிசனம் நடைபெறுகிறது. ஜனவரி 4ஆம் தேதி பஞ்சமூர்த்திகள் முத்துப் பல்லக்கில் வீதியுலா நடைபெறும். தொடர்ந்து 5ஆம் தேதி ஞானப்பிரகாச தீர்த்தக் குளத்தில் தெப்பத் திருவிழா நடைபெறவுள்ளது.
