மயிலாடுதுறைக்கு ரெட் அலர்ட்: தரங்கம்பாடியில் என்டிஆர்எப் முகாம் – முன்னெச்சரிக்கை நடவடிக்கைகள் தீவிரம்!
மயிலாடுதுறை மாவட்டத்தில் ரெட் அலர்ட் அறிவிக்கப்பட்டுள்ள நிலையில், பாதுகாப்பு முன்னெச்சரிக்கை நடவடிக்கைகளின் ஒரு பகுதியாக தேசிய பேரிடர் மீட்பு படை (NDRF) தரங்கம்பாடியில் தற்காலிக முகாம் அமைத்துள்ளது.
மீட்பு நடவடிக்கைகளுக்காக ரப்பர் படகுகள், மரம் வெட்டும் இயந்திரங்கள், கை அரிவாள்கள், பாறை உடைக்கும் கருவிகள், மண்வெட்டிகள் உள்ளிட்ட சுமார் 60க்கும் மேற்பட்ட உபகரணங்கள் முழுமையாகத் தயார் நிலையில் உள்ளன என்று NDRF அதிகாரிகள் தெரிவித்துள்ளனர்.
இதனுடன், சென்னை ஆவடியை தளமாகக் கொண்டுள்ள தமிழ்நாடு பேரிடர் மீட்பு படையும் அவசர சேவைகளுக்காக சீர்காழி நோக்கி விரைந்து செல்கிறது.
