பயிர் காப்பீட்டு பதிவு அவகாசம் டிசம்பர் 1 வரை நீட்டிப்பு – தமிழக அரசு அறிவிப்பு
பயிர்க்காப்பீடு செய்ய வேண்டிய கடைசி தேதி டிசம்பர் 1 வரை நீட்டிக்கப்பட்டுள்ளதாக தமிழக அரசு அறிவித்துள்ளது.
அரசு வெளியிட்ட செய்திக் குறிப்பில், 2025–2026 ஆண்டிற்கான சம்பா நெற்பயிர் மற்றும் பிற பருவப் பயிர்களுக்கு காப்பீடு செய்யும் போது, குத்தகை விவசாயிகளிடம் ‘விவசாயிகள் அடையாள எண்’ கட்டாயம் எனும் நிபந்தனை நீக்கப்பட்டுள்ளதாக கூறப்பட்டுள்ளது.
சம்பா மற்றும் நவரை பருவ பயிர்களுக்கு காப்பீடு செய்ய விதிகளில் தளர்வு செய்து, மத்திய அரசு அனுமதி வழங்கியதாகவும் குறிப்பிடப்பட்டுள்ளது.
இன்னமும் காப்பீடு செய்யாத விவசாயிகள், தேவையான ஆவணங்களுடன் டிசம்பர் 1ஆம் தேதிக்குள் பதிவு செய்ய வேண்டுமெனவும் அறிவுறுத்தப்பட்டுள்ளது.
