நடிகர் ரஜினிகாந்த் வாழ்நாள் சாதனையாளராகக் கவுரவிப்பு பெற்றார்
கோவாவில் நடைபெற்ற 56வது இந்திய சர்வதேச திரைப்பட விழாவில், நடிகர் ரஜினிகாந்துக்கு வாழ்நாள் சாதனையாளருக்கான விருது வழங்கி அவருக்கு மரியாதை செலுத்தப்பட்டது.
இந்த ஆண்டு விழா கோவா தலைநகர் பனாஜியில் கடந்த 20-ம் தேதி தொடங்கி, 81 நாடுகளிலிருந்து 240-க்கும் மேற்பட்ட திரைப்படங்கள் திரையிடப்பட்டன. விழாவின் நிறைவு நாளில், மத்திய அமைச்சர் எல். முருகன் மற்றும் கோவா முதலமைச்சர் பிரமோத் சாவந்த் ரஜினிகாந்துக்கு விருது வழங்கி அவரை கௌரவித்தனர்.
விருது ஏற்ற பிறகு நிகழ்ச்சியில் பேசிய ரஜினிகாந்த், தனது 50 ஆண்டு சினிமா பயணம் வேகமாகக் கடந்துவிட்டதாகவும், நடிப்பிலும் சினிமாவிலும் என்றும் ஆர்வம் இருப்பதாகவும் தெரிவித்தார். மேலும், எத்தனை பிறவிகளில் எடுத்தாலும் நடிகராகவே பிறக்க விரும்புவதாக கூறி, தன்னைக் வாழவைக்கும் தமிழ்மக்கள், திரையுலகம் மற்றும் தொழில்நுட்ப கலைஞர்களுக்கு நன்றியையும் தெரிவித்தார்.
