ரிஷிவந்தியம் அர்த்தநாரீஸ்வரர் ஆலயத்தில் சிறப்பாக நடைபெற்ற மகா கும்பாபிஷேக திருவிழா!
சுமார் 2000 ஆண்டு வரலாறு கொண்ட ரிஷிவந்தியம் அர்த்தநாரீஸ்வரர் ஆலயத்தில், மகா கும்பாபிஷேக மகோத்சவம் தீபாவளி சிறப்போடு நடைபெற்றது.
இந்து சமய அறநிலையத்துறை மேற்கொண்ட திருத்தப்பணிகள் நிறைவு பெற்றதைத் தொடர்ந்து, செண்டை மேள நாதம் ஒலிக்க, கோபுரங்களின் கலசங்களுக்கு புனிதநீர் ஊற்றி கும்பாபிஷேகம் நடத்தப்பட்டது.
RelatedPosts
முன்னதாக, யாகசாலையில் புனித ஹோமங்கள் செய்யப்பட்டு, அங்கிருந்து கலசநீர் ஊர்வலமாக ஆலயத்துக்கு கொண்டு வரப்பட்டது. அதன் பின்னர் ராஜகோபுரம், விமான கோபுரம் மற்றும் பரிவார தெய்வங்களின் கலசங்கள் மீது திருமஞ்சனம் செய்யப்பட்டு புனிதநீர் அர்ப்பணிக்கப்பட்டது.
கலசங்களில் அபிஷேகத் தண்ணீர் பொழிகையில், பக்தர்கள் எழுப்பிய “நமச்சிவாய” ஓம் நாதஸ்வரங்கள் வானத்தை குலுக்கியதுபோல் எழுந்தது.
இந்த தெய்வீக நிகழ்வில், பத்தாயிரத்துக்கும் அதிகமான பக்தர்கள் திரளாக கலந்து கொண்டு சுவாமியின் அருளைப் பெற்றனர். விழா நிறைவில், டிரோன் வசதியின்மூலம் பக்தர்கள் மீது புனிதநீர் தெளிக்கப்பட்டது.
