பட்டிமன்ற பேச்சாளர் திண்டுக்கல் லியோனியின் மகன் லியோ சிவக்குமார் நடித்துள்ள ‘மாண்புமிகு பறை’ திரைப்படம், சர்வதேச அளவில் கவனம் ஈர்த்து வருகிறது.
இந்தப் படத்தை விஜய் சுகுமார் இயக்கியுள்ளார். திரைக்கதை சுபா & சுரேஷ் ராம் எழுதியுள்ளனர். இசையமைப்பை தேவா மேற்கொண்டுள்ளார்.
‘மாண்புமிகு பறை’ கடந்த மே மாதத்தில் கேன்ஸ் திரைப்பட விழாவில் பங்கேற்று சர்வதேச திரையுலகில் குறிப்பிடத்தக்க கவனத்தைப் பெற்றது.
இப்போது, மீண்டும் கேன்ஸ் நகரத்தில் நடைபெற்ற மற்றொரு சர்வதேச திரைப்பட விழாவில், இப்படம் “சிறந்த சமூக நீதிக்கான திரைப்படம்” என்ற பிரிவில் தேர்வாகியுள்ளது.
மேலும், இத்தாலியில் நடைபெற்ற ஓதிஸ்மோஸ் (Othismos) திரைப்பட விழாவில், ‘மாண்புமிகு பறை’ படத்துக்கு “கலாச்சார பாரம்பரியம் மற்றும் உள்ளூர் அடையாளம்” என்ற பிரிவில் சிறப்பு விருது வழங்கப்பட்டுள்ளது.
இந்த தொடர்ச்சியான சர்வதேச அங்கீகாரங்களால், தமிழ் திரைப்பட உலகில் ‘மாண்புமிகு பறை’ படத்தின் பிரபலத்தையும் தாக்கத்தையும் உயர்த்தியுள்ளதாக திரையுலக வட்டாரங்கள் குறிப்பிடுகின்றன.
