இந்திய அளவில் ட்ரெண்டிங்கில் இடம்பிடித்த ‘தளபதி கச்சேரி’ பாடல்
சென்னை: நடிகர் விஜய் நடிப்பில் உருவாகி வரும் ‘ஜனநாயகன்’ படத்தின் முதல் சிங்கிள் பாடலான ‘தளபதி கச்சேரி’ இந்திய அளவில் ட்ரெண்டிங்கில் முதலிடத்தை பிடித்துள்ளது.
கே.வி.என் நிறுவனம் தயாரிப்பில், ஹெச். வினோத் இயக்கத்தில் உருவாகி வரும் இந்த படத்தில் விஜய், பூஜா ஹெக்டே, பாபி தியோல், கெளதம் மேனன், ப்ரியாமணி, நரேன், மமிதா பைஜு உள்ளிட்ட பலர் நடித்துள்ளனர். இசை அமைப்பை அனிருத் மேற்கொண்டுள்ளார்.
பொங்கல் பண்டிகையை முன்னிட்டு ஜனவரி 9 அன்று திரைப்படம் வெளியாகும் என்று அறிவிக்கப்பட்டுள்ளது.
இப்படத்தின் முதல் பாடலாக வெளியான ‘தளபதி கச்சேரி’, வெளியான சில மணி நேரங்களிலேயே எக்ஸ் (Twitter) தளத்தில் இந்திய அளவில் ட்ரெண்டிங்கில் முதலிடத்தைப் பெற்றது. ரசிகர்கள் #ThalapathyKacheri என்ற ஹாஷ்டேக் கீழ் பெருமளவில் பதிவிட்டு வருகின்றனர்.
மேலும், இந்த பாடல் யூடியூபில் 47 லட்சம் பார்வைகளைத் தாண்டி சாதனை படைத்துள்ளது. பாடலை அறிவு எழுதியதுடன், அனிருத், விஜய், அறிவு ஆகிய மூவரும் இணைந்து பாடியுள்ளனர்.
