“வாக்குரிமைப் பறிப்பு சதிக்கு எஸ்ஐஆர், ஹரியானா ஃபைல்ஸ் சான்று” – முதல்வர் ஸ்டாலின்
தமிழக முதல்வர் மு.க.ஸ்டாலின், எஸ்ஐஆர் (வாக்காளர் பட்டியல் சிறப்பு தீவிரத் திருத்தம்) மற்றும் ஹரியானா சம்பவங்கள் மக்களின் வாக்குரிமையைப் பறிப்பதாகும் எனத் தெரிவித்துள்ளார். தனது சமூக வலைதளத்தில் வெளியிட்ட பதிவில் அவர் கூறியதாவது:
“பிஹாரில், ஹரியானாவில் நடைபெற்ற வாக்குத் திருட்டு சம்பவங்கள், மக்களின் ஜனநாயகத் தீர்ப்பை களவாடும் சதி நடத்தப்பட்டதை சான்றாக காட்டுகிறது. பாஜக அரசியலின் பிளவுவாதச் சிக்கல்கள் 2014 முதல் தொடர்கின்றன, மக்களுக்கு இனி நம்பிக்கையில்லை. தேர்தல் ஆணையம் இதற்கான குற்றச்சாட்டுகளையும் ஆதாரங்களையும் முறையான விளக்கமின்றி விட்டுள்ளது, இது வேதனையை ஏற்படுத்துகிறது” என்று முதல்வர் ஸ்டாலின் தெரிவித்துள்ளார்.
முன்னதாக, காங்கிரஸ் தலைவரும் மக்களவை எதிர்க்கட்சித் தலைவர் ராகுல் காந்தியும், ஹரியானா தேர்தலில் முறைகேடுகள் காரணமாக காங்கிரஸ் வெற்றி பெற முடியவில்லை என்றும், 2 கோடி வாக்காளர்களில் 25 லட்சம் வாக்குகள் திருடப்பட்டுள்ளதாகவும் தெரிவித்தார்
