அண்ணாமலையின் புதிய இயக்கமான வி தி லீடர் அமைப்பில் 12 லட்சம் தன்னார்வலர்கள் சேர்க்கை
சென்னை: பாஜகவிலிருந்து அதிகாரப்பூர்வமாக விலகி, தமிழகத்தில் புதிய மாற்று அரசியலை முன்னெடுக்கும் வகையில் முன்னாள் தேசிய பொதுக்குழு உறுப்பினர் அண்ணாமலை ‘WE THE LEADER’ (வி தி லீடர்) என்ற புதிய அரசியல் அமைப்பைத் தொடங்கியுள்ளார். இதுதொடர்பாக சமூக வலைதளங்கள் வாயிலாகப் பொதுமக்களுடன் மனம் திறந்து உரையாடிய அவர், புதிய இயக்கத்தின் பெயரையும், அதற்கான பிரத்யேக இணையதளத்தையும் அதிகாரப்பூர்வமாக வெளியிட்டார். மேலும், தமிழகத்தின் ஒட்டுமொத்த முன்னேற்றத்திற்காகப் பணியாற்ற விரும்பும் இளைஞர்கள், பெண்கள், விவசாயிகள் உள்ளிட்ட அனைத்துத் தரப்பினரும் இதில் தன்னார்வலர்களாக இணையுமாறு அவர் அழைப்பு விடுத்திருந்தார். அண்ணாமலையின் இந்த அதிரடி அழைப்பினைத் தொடர்ந்து, குறுகிய காலத்திற்குள் சுமார் 12 லட்சத்திற்கும் அதிகமான தன்னார்வலர்கள் தங்களது பெயர்களை இணையதளத்தில் ஆர்வமுடன் பதிவு செய்து தங்களை இணைத்துக் கொண்டுள்ளனர்.
