நீரிழிவு நோய் ஆராய்ச்சியில் மகத்தான சாதனை: மத்திய அமைச்சர் ஜிதேந்திர சிங்கிற்கு வாழ்நாள் சாதனையாளர் விருது!
சென்னை:
நீரிழிவு நோய் ஆராய்ச்சி மற்றும் மருத்துவத் துறையில் ஆற்றிய சிறந்த பங்களிப்பிற்காக, மத்திய அமைச்சர் ஜிதேந்திர சிங்கிற்கு வாழ்நாள் சாதனையாளர் விருது வழங்கி கௌரவிக்கப்பட்டுள்ளது.
RelatedPosts
சென்னையில் உள்ள ஒரு தனியார் நீரிழிவு மருத்துவமனை சார்பில் ‘MVCON 2026’ என்ற பெயரில் மூன்று நாட்கள் நடைபெறும் தேசிய அளவிலான மருத்துவ மாநாடு சென்னையில் தொடங்கியது. இந்த மாநாட்டில் நீரிழிவு சிகிச்சை, நவீன ஆராய்ச்சி மற்றும் மருத்துவப் பயிற்சி ஆகியவற்றில் சர்வதேச அளவில் சிறந்து விளங்கும் முன்னணி மருத்துவ நிபுணர்கள் மற்றும் பேராசிரியர்கள் பலரும் பங்கேற்றனர்.
நீரிழிவு நோய் தடுப்பு மற்றும் மேலாண்மையில் ஏற்பட்டுள்ள புதிய கண்டுபிடிப்புகள் மற்றும் முன்னேற்றங்களை ஊக்குவிக்கும் நோக்கில் இந்த மாநாடு ஏற்பாடு செய்யப்பட்டிருந்தது. இதில், சர்வதேச அளவில் புகழ்பெற்ற நீரிழிவு நோய் நிபுணரும் பேராசிரியருமான மத்திய அமைச்சர் ஜிதேந்திர சிங், மருத்துவத் துறைக்கு ஆற்றிய நீண்டகால சேவையைப் பாராட்டி அவருக்கு இந்த உயரிய வாழ்நாள் சாதனையாளர் விருது வழங்கப்பட்டது. இந்த அங்கீகாரம் மருத்துவ உலகில் அவருக்குள்ள ஆளுமையையும், நீரிழிவு நோய் ஒழிப்பில் அவரது அர்ப்பணிப்பையும் பறைசாற்றுவதாக அமைந்துள்ளது.
