மேற்குவங்க ஆளுநராக நியமனம்: ஆளுநர் ஆர்.என்.ரவியை நேரில் சந்தித்து வாழ்த்து தெரிவித்தார் முதல்வர் ஸ்டாலின்!
தமிழக ஆளுநராகப் பணியாற்றி வந்த ஆர்.என்.ரவி, தற்போது மேற்குவங்க மாநில ஆளுநராக நியமிக்கப்பட்டுள்ளார். இந்த இடமாற்றத்தை முன்னிட்டு, தமிழக முதலமைச்சர் மு.க. ஸ்டாலின் அவர்கள் சென்னை கிண்டியில் உள்ள ஆளுநர் மாளிகைக்கு (ராஜ் பவன்) வருகை தந்து, ஆளுநரை மரியாதை நிமித்தமாகச் சந்தித்துப் பேசினார்.
இந்தச் சந்திப்பின் போது, முதலமைச்சரை ஆளுநர் ஆர்.என்.ரவி இன்முகத்துடன் வரவேற்றார். தொடர்ந்து இருவரும் சிறிது நேரம் உரையாடினர். அதனைத் தொடர்ந்து, ஆளுநருக்குத் தனது வாழ்த்துகளைத் தெரிவிக்கும் வகையில் திருவள்ளுவர் சிலையை முதலமைச்சர் நினைவுப் பரிசாக வழங்கினார். சந்திப்பு முடிந்து புறப்பட்ட முதலமைச்சரை, ஆளுநர் ஆர்.என்.ரவி அவர்கள் மாளிகையின் வாசல் வரை வந்து கௌரவத்துடன் வழியனுப்பி வைத்தார்.
