மேட்டூர் நீர் விடுவிப்பு நிறுத்தம்: மயிலாடுதுறையில் 300 ஏக்கர் நெற்பயிர்கள் பாதிப்பு
மேட்டூர் அணையில் இருந்து பாசன நீர் வழங்கல் நிறுத்தப்பட்டதன் தாக்கமாக, மயிலாடுதுறை மாவட்டத்தில் சுமார் 300 ஏக்கர் பரப்பளவில் உள்ள நெற்பயிர்கள் உலர்ந்து வருவதாக விவசாயிகள் கவலை தெரிவித்துள்ளனர்.
RelatedPosts
மயிலாடுதுறை மாவட்டம் குத்தாலம் தாலுகாவிற்கு உட்பட்ட மங்கைநல்லூர் அருகே உள்ள கப்பூர் கிராமத்தில், வீரசோழன் ஆற்றின் பாசனத்தை சார்ந்து சுமார் 500 ஏக்கர் விளை நிலங்கள் உள்ளன. தற்போது பாசனத்திற்கான நீர் வழங்கல் தடைப்பட்டதால், பயிர்களுக்கு தேவையான அளவு தண்ணீர் கிடைக்கவில்லை என கூறப்படுகிறது.
இதன் விளைவாக, வயல்வெளிகளில் மண் பிளந்து, சம்பா நெற்பயிர்கள் உலரத் தொடங்கியுள்ளன. ஏற்கனவே அதிக செலவில் சாகுபடி செய்த நிலையில், பயிர்கள் காய்ந்து வருவது பெரும் இழப்பை ஏற்படுத்தும் என விவசாயிகள் தெரிவித்துள்ளனர்.
பயிர்களை காப்பாற்ற உடனடியாக வீரசோழன் ஆற்றில் நீர் திறக்க வேண்டும் என அவர்கள் அதிகாரிகளிடம் கோரிக்கை வைத்துள்ளனர்.
